ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ3པའི་ཚེས6ཉིན་འབྱོར་བའི་གློག་འཕྲིན། གཞི་རིམ་ཞིང་འབྲོག་མང་ཚོགས་ཀྱི་ནད་བསྟེན་དཀའ་བའི་གནད་དོན་ཐག་གཅོད་ཏན་ཏིག་བྱེད་ཆེད། བོད་རང་སྐྱོང་ལྗོངས་འཕྲོད་བསྟེན་མ་ལག་གིས་མི་དམངས་ཀྱི་ཆེད་དུ་སྲིད་འཛིན་བྱེད་པ་དང་གྲོང་གསེབ་ཏུ་སྨན་བཅོས་བྱེད་འགྲོ་བ་ཞེས་པའི་འོན་འགན་སྨན་བཅོས་ཀྱི་བྱེད་སྒོ་སྤེལ་ནས་མང་ཚོགས་ཀྱི་སྒོ་ཁར་སྨན་བཅོས་ཞབས་འདེགས་ཞུ་རུ་སོང་ཡོད།
     གསར་འགོད་པས་བོད་ལྗོངས་ལྷོ་ཁ་ས་ཁུལ་གྱི་གངས་དཀར་རྫོང་དང་བཀྲ་བཟང་རྫོང་དུ་བཅའ་འདྲི་བྱེད་དུས་ཤེས་རྟོགས་བྱུང་བར། རང་སྐྱོང་ལྗོངས་དང་། ས་ཁུལ། རྫོང་བཅས་རིམ་པ་གསུམ་གྱི་སྨན་བཅོས་ལས་ཁུངས་ཀྱིས་ཤང་དང་གྲོང་རྡལ་རིམ་པར་སྨན་བཅོས་ཀྱི་ཞབས་འདེགས་ཁང་རེ་བཙུགས་ཡོད་ཅིང་། ཞབས་འདེགས་ཞུ་ཁང་ཏུ་ད་དུང་ཆེད་དུ་བོད་ཀྱི་སྨན་པ་དང་རྒྱའི་སྨན་པས་མཉམ་དུ་ནད་ལ་ལྟ་འཇུག་པའི་བཀོད་སྒྲིག་བྱས་ཡོད། ཐེངས་དེའི་འོན་འགན་སྨན་བཅོས་བྱེད་སྒོ་སྤེལ་རིམ་སྨན་བཅོས་ཚོ་ཆུང་ཆ་ཤས་ད་དུང་གྲོང་ཚོའི་དུད་ཚང་དུ་སོང་ནས་མི་སེར་ལ་ནད་ལྟ་རོགས་བྱས་ཤིང་སྨན་རྫས་བསྐྱལ་ཡོད། བོད་ལྗོངས་བོད་སྨན་ཁང་དང་གངས་དཀར་རྫོང་འཕྲོད་བསྟེན་ཞབས་འདེགས་ལྟེ་གནས་ཀྱི་སྨན་བཅོས་མི་སྣ20ཡིས་གྲུབ་པའི་སྨན་བཅོས་རུ་ཁག་ཁོ་ན་ཡིས་ཉིན་གཅིག་ནང་ནད་པ་མི་གྲངས620ལ་འོས་འགན་སྨན་བཅོས་བྱས་ཡོད་ཅིང་། རིན་པ་མི་བླངས་ཏེ་མང་ཚོགས་ལ་རིན་ཐང་སྒོར་ཁྲི1.5རི་བའི་སྨན་རྫས་བྱིན་བས། གཞི་རིམ་མང་ཚོགས་ཀྱི་ནད་བསྟེན་དཀའ་བའི་གནད་དོན་ཐག་གཅོད་ཏན་ཏིག་བྱས་ཏེ་གཞི་རིམ་མང་ཚོགས་ཀྱི་དགའ་བསུ་ཆེན་པོ་ཐོབ་ཡོད།