འབྲི་ཆུའི་ཟུར་གསུམ་གླིང་ནི་འབྲི་ཆུའི་དཔལ་འབྱོར་རྒྱུད་དང“རྒྱུད་གཅིག་ལམ་གཅིག”གི་སྣོལ་མཚམས་གལ་ཆེན་ཞིག་ཡིན་པ་དང་། རྒྱལ་ཁབ་ཀྱི་དེང་རབས་ཅན་འཛུགས་སྐྲུན་གྱི་ཁྱོན་ཡོངས་དང་ཁྱོན་ཡོངས་ཀྱི་སྒོ་འབྱེད་ཆགས་སྟངས་ཁྲོད་འཐབ་ཇུས་ཀྱི་གནས་བབ་གལ་ཆེན་ལྡན་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན།　སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་དངོས་ཀྱིས་འཆར་འགོད་དང་། བཀོད་སྒྲིག། འབྲི་ཆུའི་ཟུར་གསུམ་གཞི་གཅིག་ཅན་འཕེལ་རྒྱས་གཏོང་བའི་རྒྱལ་ཁབ་ཀྱི་འཐབ་ཇུས་གལ་ཆེན་ལ་སྐུལ་འདེད་གཏོང་བ་བཅས་གནང་ཡོད་པ་རེད། ཧྲང་ཧའེ་དང་། ཅང་སུའུ་དང་། ཀྲེ་ཅང་། ཨན་ཧུའེ་བཅས་ཞིང་ཆེན་གསུམ་དང་གྲོང་ཁྱེར་གཅིག་གིས་སྤྱི་ཁྱབ་ཧྲུའུ་ཅིས་བཀོད་སྒྲིག་གནང་བའི་འཕེལ་རྒྱས་ཀྱི་འཆར་འགོད་དེ་རྩ་བའི་གཞི་འཛིན་སར་བྱས་ནས“རྒྱལ་ཡོངས་འཕེལ་རྒྱས་ཀྱི་འཁྲུག་ཆ་དོད་པའི་འཕར་གཞི་གསར་པ་དང་། སྤུས་ཚད་མཐོ་བའི་འཕེལ་རྒྱས་ཀྱི་དཔེ་མཚོན་ཁུལ། དེང་རབས་ཅན་གྱི་སྣེ་ཁྲིད་ཁུལ། ས་ཁོངས་གཞི་གཅིག་ཅན་གྱི་འཕེལ་རྒྱས་དཔེ་སྟོན་ཁུལ། བསྒྱུར་བཅོས་སྒོ་འབྱེད་ཀྱི་མཐོ་ས་གསར་པ་བཅས”ཀྱི་འཐབ་ཇུས་ངེས་གནས་བཅས་ལ་དམ་པོར་དམིགས་ནས་སྤུས་ཚད་མཐོ་བའི་འཕེལ་རྒྱས་ཀྱི་ལས་འགན་ཨང་དང་པོ་དེ་སྟངས་འཛིན་ནན་པོ་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་འབྲི་ཆུའི་ཟུར་གསུམ་གླིང་གི་ལེའུ་གསར་པ་ཧུར་ཐག་གཏོད་དགོས། 

     ལོ་ལྔའི་ནང་འབྲི་ཆུའི་ཟུར་གསུམ་གླིང་གི་འགྲིམ་འགྲུལ་སོགས་རྨང་གཞིའི་སྒྲིག་བཀོད་ཕན་ཚུན་སྦྲེལ་མཐུད་དེ་འཕེལ་རྒྱས་མྱུར་པོ་འགྲོ་བའི་དུས་མཚམས་སུ་སླེབས་པ་དང་། མྱུར་བགྲོད་ལྕགས་ལམ20ལྷག་ཙམ་དུ་སྔ་རྗེས་སུ་མེ་འཁོར་ཤར་གཏོང་ཐུབ་པ་དང་། མྱུར་བགྲོད་ལྕགས་ལམ་གྱི་ལམ་ཐག་སྤྱི་ལེ7000ཙམ་ཟིན་ཞིང་། སྐམ་སའི་ས་ཁོངས་ཀྱི་ས་ཁུལ་རིམ་པའི་གྲོང་ཁྱེར་ཚང་མར་སྒུལ་འཁོར་ཤར་གཏོང་ཐུབ་ཡོད། མྱུར་བགྲོད་གཞུང་ལམ་གྱི་དྲ་བ་སྤྱི་ལེ་ཁྲི1.67ཟིན་པ། ཆུ་ཚོད་ཕྱེད་ཀ་ཙམ་རིང་གི་ལས་སྒྲུབ་ཁུལ་དང་། ཆུ་ཚོད1རིང་གི་འཚོ་བའི་ཁུལ། ཆུ་ཚོད3རིང་གི་མྱུར་བགྲོད་ལྕགས་ལམ་ཁུལ་བཅས་ཡོད་པས། ཞིང་ཆེན་གསུམ་དང་གྲོང་ཁྱེར་གཅིག“ཁྱིམ་མཚེས་བར”ནས“ཁྱིམ་ཚང་གཅིག”ཏུ་གྱུར་ཡོད་པ་རེད།

     ལོ་ལྔའི་རིང་འབྲི་ཆུའི་ཟུར་གསུམ་གླིང་གིས་ལམ་སྲོལ་གསར་གཏོད་ལ་བརྟེན་ནས་སྲིད་འཛིན་ས་ཁོངས་ཀྱི་ཚོད་འཛིན་ཚད་བརྒལ་བྱས་ཏེ་ཁྲོམ་རར་འཇུག་འཐུས་ཀྱི་ཐོ་འགོད་ཚད་གཞི་དང་། ཞབས་ཞུ་ཚད་ལྡན། ཆ་འཕྲིན་མཉམ་སྤྱོད། གསར་གཏོད་གོམ་སྟབས་བཅས་ཀྱི“གཅིག་གྱུར་བཞི”བཅས་མངོན་འགྱུར་བྱས་པ་དང་གཉེར་སྐྱོང་གཙོ་གཟུགས་ཀྱི་ཐོབ་ཐང་དྲྭ་ཐོག་ནས“ཐེངས་གཅིག་ལ་ཞིབ་བཤེར་ར་སྤྲོད་དང་། ཁྱོན་ཡོངས་ནས་དྲ་བ་སྤྱོད་པ”དང་གློག་རྡུལ་ལས་གཉེར་ལག་ཁྱེར་མཉམ་སྤྱོད་ཐུབ་ནས་བསྐྱར་དུ་སྤྱོད་ཆོག་པ་དང་། སྤྱི་པའི་ཞབས་ཞུ་མཉམ་སྐྲུན་མཉམ་སྤྱོད་ལམ་སྲོལ་མུ་མཐུད་འཐུས་ཚང་དུ་བཏང་ཡོད།

     འགོ་འཛུགས་ས་གསར་པར་འབྲི་ཆུའི་ཟུར་གསུམ་གླིང་གཞི་གཅིག་ཅན་གྱི་སྤུས་ཚད་མཐོ་བའི་འཕེལ་རྒྱས་ལ་སླར་ཡང་གོ་སྐབས་གསར་པ་འཕྲད་པ་དང་འགྲན་སློང་གསར་པ་འཕྲད་ཡོད། ཟླ11ཚེས30ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲང་ཧའེ་རུ་འབྲི་ཆུའི་ཟུར་གསུམ་གླིང་གཞི་གཅིག་ཅན་གྱི་འཕེལ་རྒྱས་ལ་སྐུལ་འདེད་གཏོང་བའི་བཞུགས་མོལ་ཚོགས་འདུ་གཙོ་སྐྱོང་གནང་སྐབས་འབྲི་ཆུའི་ཟུར་གསུམ་གླིང་གཞི་གཅིག་ཅན་གྱི་འཕེལ་རྒྱས་ལ་ཚད་བརྒལ་གསར་པ་འཐོབ་རྒྱུར་སྐུལ་འདེད་བཏང་སྟེ་ཀྲུང་གོའི་ལུགས་ཀྱི་དེང་རབས་ཅན་གྱི་ཁྲོད་སྣེ་ཁྲིད་དཔེ་སྟོན་གྱི་ནུས་པ་འདོན་སྤེལ་གང་ལེགས་བྱས་ནས་འབྲི་ཆུའི་ཟུར་གསུམ་གླིང་ཁུལ་གྱིས་རིམ་པ་དེ་བས་མཐོ་བའི་བསྒྱུར་བཅོས་སྒོ་འབྱེད་རྣམ་པ་གསར་པ་གཏོད་ཆེད་བླང་བྱ་གསར་པ་འདོན་པ་དང་ལས་འགན་གསར་པ་བཀོད་སྒྲིག་བྱ་དགོས་པའི་ནན་གསུང་གནང་བ་རེད།