སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བསྟན་དོན། ཆ་འཕྲིན་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་བརྒྱབ་པ་དང་། ཆ་འཕྲིན་ཐོན་ཁུངས་བསྡུ་སྒྲིལ་བྱེད་ཤུགས་ཆེ་རུ་བཏང་སྟེ། དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཆ་འཕྲིན་འཕར་རྩ་ཆེན་པོ་བཤང་དགོས།

     ད་ལོ་ནས་བཟུང་རང་རྒྱལ་གྱིས“ཤར་གྱི་དན་གྲངས་ནུབ་ཏུ་རྩིས་པའི”འདུ་འགོད་ཀྱིས་སྣེ་ཁྲིད་དེ།ཆ་འཕྲིན་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་མགྱོགས་སུ་བསྐུལ་ཏེ་རྩིས་ཤུགས་ཀྱིས་མི་ཐབས་རིག་ནུས་དང་ཨང་ཀི་དཔལ་འབྱོར་སོགས་ལ་འདེགས་སྐྱོར་བྱེད་པའི་ནུས་པ་ཆེ་རུ་བཏང་ནས་དཔལ་འབྱོར་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་རྒྱུར་རམ་འདེགས་བྱས་ཡོད།

      ཉིན་འདི་གཉིས་རིང་། ཞ་མོན་གྱི་ཁྲོམ་གཞུང་ཆེ་ཆུང་དུ་རིག་ནུས་དྲྭ་སྦྲེལ་འགྲུལ་སྐྱེལ་རླངས་འཁོར500ཡིས་གྲོང་ཁྱེར་གྱི་འགྲིམ་འགྲུལ་དང་ཁ་ལོ་ཆ་འཕྲིན་སོགས་ཀྱི་དན་གྲངས་འཚོལ་བསྡུ་བྱེད་བཞིན་ཡོད་པ་རེད། རླངས་འཁོར500དང་རླངས་འཁོར་རེའི་བརྙན་མིག9ཡིས་གཟུགས་ལམ་དན་གྲངས་འབོར་ཆེན་འཚོལ་ཞིང་སྡུད་པ་དང་། སྐར་ཆ་རེརG100ཡི་མྱུར་ཚད་ཐོག་ནས་སྤྱི་ལེ2000ལྷག་ཡོད་པའི་ཉིང་ཞ་ཀྲུང་ཝུའེ་ཡི་མིན་ཉིང་དྲྭ་ཐོག་ཆེད་གཏོགས་དན་གྲངས་ལྟེ་གནས་སུ་སྐུར་བཞིན་ཡོད་པ་རེད།

     འདི་ལྟར་ཤར་རྒྱུད་ཀྱི་རྩིས་ཤུགས་དགོས་མཁོ་གོ་རིམ་ལྡན་པའི་ངང་ནུབ་རྒྱུད་དུ་ཁྲིད་པའི“ཤར་གྱི་དན་གྲངས་ནུབ་ཏུ་རྩིས་པ”འདུ་འགོད་བརྟན་པོའི་ངང་སྐུལ་བཞིན་ཡོད་པ་རེད། མིག་སྔར་རྒྱལ་ཡོངས་སུ་རྒྱལ་ཁབ་ཀྱི་རྩིག་ཤུགས་ལྟེ་བའི་བར་ཚིགས8ཚང་མ་སྐྲུན་འགོ་ཚུགས་པ་དང་། རྒྱལ་ཁབ་ཀྱི་དན་གྲངས་ལྟེ་གནས་ཁྱུ་ཚོགས10དུས་གཅིག་ཏུ་བཀོད་སྒྲིག་བྱས་ཡོད། ནུབ་རྒྱུད་ས་ཁུལ་དུ་གསར་དུ་སྐྲུན་འགོ་ཚུགས་པའི་དན་གྲངས་ལྟེ་གནས་ལས་གཞིའི་གྲངས་འབོར་བརྟན་པོའི་ངང་འཕར་ནས་རང་རྒྱལ་གྱི་རྩིག་རྒྱག་ནུས་པ་གཅིག་སྡུད་ཐོག་ཕན་འབྲས་རགས་ཙམ་ཐོན་ཡོད་པ་རེད།

      ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཆ་འཕྲིན་གསར་བརྗེའི་འཕེལ་རྒྱས་ཀྱི་འཕེལ་ཕྱོགས་ཆེན་པོ་གསལ་རྟོགས་དང་ཤེར་ཚོར་རྣོན་པོས་སྟངས་འཛིན་གང་ལེགས་བྱས་ཏེ། རྨང་གཞིའི་སྒྲིག་བཀོད་གསར་པ་འཛུགས་སྐྲུན་མགྱོགས་སུ་གཏོང་བ་དང་། འཐབ་ཇུས་བཀོད་སྒྲིག་ལ་ཤུགས་བརྒྱབ་ཅིང་། མྱུར་བགྲོད་ཡོད་པ་དང་གནམ་ས་གཞི་གཅིག། དྲ་བ་མཉམ་འདྲེས། རིག་ནུས་ཚོར་སྐྱེན། འབྱུང་འཕྲོད་ཐཱན་ཉུང་། བདེ་འཇགས་ཚོད་ཐུབ་བཅས་ཀྱི་རིག་ནུས་ཕྱོགས་བསྡུས་རང་བཞིན་གྱི་ཨང་ཀི་ཆ་འཕྲིན་གྱི་རྨང་གཞིའི་སྒྲིག་བཀོད་མྱུར་དུ་བསྐྲུན་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཆ་འཕྲིན་འཕར་རྩ་ཆེན་མོ་བཤང་པ་དང་། རྨང་གཞིའི་སྒྲིག་བཀོད་གསར་པ་འཛུགས་སྐྲུན་སྔོན་ལ་འོས་འཚམ་ངང་བཀོད་སྒྲིག་བྱེད་པའི་ནན་གསུང་གནང་ཡོད།

     ཉེ་བའི་ལོ་ཤས་རིང《ལོ་ལྔའི་འཆར་འགོད་བཅུ་བཞི་པའི་རྒྱལ་ཁབ་ཆ་འཕྲིན་ཅན་གྱི་འཆར་འགོད》དང་《ཨང་ཀི་ཀྲུང་གོ་འཛུགས་སྐྲུན་གྱི་སྤྱིའི་བཀོད་སྒྲིག་འཆར་འགོད》སོགས་རྩེ་རིམ་ཇུས་འགོད་རབ་དང་རིམ་པ་སྔ་རྗེས་སུ་བཏོན་ཏེ། ཨང་ཀི་རྨང་གཞིའི་སྒྲིག་བཀོད་ཀྱི་འཕར་རྩ་ཆེན་པོ་བཤང་པ་དང་། དན་གྲངས་ལྟེ་གནས་འཛུགས་སྐྲུན་གྱི་བཀོད་པ་ལེགས་སུ་གཏོང་བ་དང་ས་ཁོངས་ལས་བརྒལ་བའི་རྩིག་རྒྱག་ནུས་པ་བཀོད་གཏོང་ཆུ་ཚད་མཐོ་རུ་གཏང་དགོས་ཞེས་ཁ་གསལ་བཏོན་ཡོད། ས་གནས་ཁག་གིས་རྨང་གཞིའི་སྒྲིག་བཀོད་གསར་པ་འཛུགས་སྐྲུན་མགྱོགས་སུ་བཏང་། ཀོང་ཏུང་གིས2025ལོར་བསླེབ་སྐབས་རིག་ནུས་ཀྱི་རྩིག་རྒྱག་ནུས་པའི་གཞི་ཁྱོན་རྒྱལ་ཡོངས་ཀྱི་ཨང་དང་པོར་སླེབས་པ་བྱ་རྒྱུ་དང་། ལྟེ་བའི་ཐོན་ལས་ཀྱི་གཞི་ཁྱོན་སྒོར་དུང་ཕྱུར3000ལྷག་ཟིན་པ་བཏོན་ཡོད། ཧྲང་ཧའེ་ཡིས་གོ་ལ་ཧྲིལ་པོའི་ཀྲའོ་ཁྲི་གཉིས་ཀྱི་གྲོང་ཁྱེར་འཛུགས་སྐྲུན་བྱེད་འགོ་བཙུགས་པ་དང་། རྨང་གཞིའི་སྒྲིག་བཀོད་གསར་པའི་སྒྲོམ་གཞིའི་མ་ལག2026ལོར་གཞི་རྩའི་ཆ་ནས་བསྐྲུན་ཚར་བ་བྱ་རྒྱུ་རེད།

     དན་གྲངས་ལས་མངོན་པར་ལྟར་ན། ད་ལོའི་ལོ་སྟོད་དུ་རང་རྒྱལ་གྱི་རྨང་གཞིའི་སྒྲིག་བཀོད་གསར་པ་འཛུགས་སྐྲུན་ལ་མ་དངུལ་འཇོག་ཚད་ན་ལོའི་དུས་མཉམ་ལས་བརྒྱ་ཆ16.2འཕར་བ་དང་། དེའི་ནངG5དང་དན་གྲངས་ལྟེ་གནས་སོགས་ཀྱི་མ་འཇོག་བྱེད་ཚད་བརྒྱ་ཆ13.1འཕར་བ། བཟོ་ལས་དྲྭ་སྦྲེལ་དང་རིག་ལྡན་འགྲིལ་འགྲུལ་སོགས་ཀྱི་མ་འཇོག་བྱེད་ཚད་བརྒྱ་ཆ34.1འཕར་ཡོད། མིག་སྔར། གྲོང་ཁྱེར300ལྷག་གིས་ཀྲའོ་སྟོང་གི་འོད་སྐུད་ཡངས་དྲྭ་སྐྲུན་འགོ་ཚུགས་པ་དང་།རྒྱལ་ཁབ་ཀྱི་མིས་བཟོས་རིག་ནུས་གསར་གཏོད་འཕེལ་རྒྱས་ཀྱི་ཚོད་ལྟའི་ཁུལ17ལ་ཟིན་ཡོད་པ་རེད། རང་རྒྱལ་གྱིས་གོ་ལ་ཧྲིལ་པོའི་གཞི་ཁྱོན་ཆེ་ཤོས་དང་ལག་རྩལ་སྔོན་ཐོན། ནུས་པ་ཆེ་བ་བཅས་ཀྱི་ཨང་ཀིའི་རྨང་གཞིའི་སྒྲིག་བཀོད་བསྐྲུན་ནས་སྤྱི་ཡོངས་ཀྱི་ཆུ་ཚད་མཆོང་བརྒལ་ལྟ་བུ་མཐོ་རུ་ཕྱིན་ཡོད།

      ད་ལོའི་ཟླ་བ་བཅུ་པའི་སྔོན་ལ་རང་རྒྱལ་གྱི་ཞབས་ཞུའི་ལས་རིགས་ཀྱིG5རྟོག་བཟོའི་ཆེད་སྤྱོད་དྲྭ་གྲངས་ཁྲི2.8ལ་ཟིན་པ་དེ་ལོ་གོང་མའི་དུས་མཉམ་གྱི་ལྡབ1.3ཡིན་པ་དང་། དྲྭ་རྩིས་དང་དན་གྲངས་ཆེན་མོ་སོགས་གཙོས་པའི་གསར་དར་ལས་སྒོའི་ཡོང་འབབ་སྒོར་དུང་ཕྱུར3012ལ་ཟིན་པ་དེ་ན་ལོའི་དུས་མཉམ་ལས་བརྒྱ་ཆ20.5འཕར་ཡོད། G5དང་བཟོ་ལས་དྲྭ་སྦྲེལ་རྒྱས་པ་འཛུགས་སྐྲུན་བྱེད་བཞིན་པའི་ལས་གཞི8000ལས་བརྒལ་བ་དང་། རྒྱལ་དམངས་དཔལ་འབྱོར་ཆེ་གྲས67དུG5བཀོལ་ཏེ་ཁྱབ་ཡོད། ཚོས་རྩིས་བྱས་པར་གཞིགས་ན། 2022ལོར་རང་རྒྱལ་གྱི་རྩིག་རྒྱག་ནུས་པའི་ལྟེ་བའི་ཐོན་ལས་གཞི་ཁྱོན་སྒོར་དུང་ཕྱུར་ཁྲི1.8ལ་ཟིན་ཡོད། རྩིས་རྒྱག་ནུས་པ་མ་དངུལ་སྒོར1རེ་བཏང་ནGDPདཔལ་འབྱོར་སྒོར3དང4བར་འཕར་རྒྱུར་སྐུལ་ཁྲིད་ཐུབ་རྒྱུ་རེད།

     འབྱུར་འགྱུར་རང་རྒྱལ་གྱིས་དྲྭ་རྒྱའི་རྨང་གཞིའི་སྒྲིག་བཀོད་དང་རྩིག་རྒྱག་པའི་རྨང་གཞིའི་སྒྲིག་བཀོད། རྨང་གཞིའི་སྒྲིག་བཀོད་བཀོལ་སྤྱོད་སོགས་ཀྱི་འཛུགས་སྐྲུན་ལ་སྤྱི་འདོམས་ཀྱི་སྒོ་ནས་བསྐུལ་ཏེ། འཕེལ་རྒྱས་གྲུབ་འབྲས་ཀྱིས་མི་དམངས་ཡོངས་ལ་ཕན་པ་ཐོབ་པ་དང་། རང་རྒྱལ་གྱི་དཔལ་འབྱོར་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་རྒྱུར་སྒུལ་ཤུགས་ཆེན་པོ་བསྣན་པ་རེད།།