མི་དམངས་དྲ་བ། 2023-05-11
བཟོ་ལས་དང་ཆ་འཕྲིན་ཅན་པུའི་གཞུང་ཕྱོགས་དྲ་ཚིགས་ཐོག་གནས་འཕྲིན་སྤེལ་བར་གཞིགས་ན། ཉེ་ཆར། བཟོ་ལས་དང་ཆ་འཕྲིན་ཅན་པུའུ་ཡིས་རེ་ཞུ་ལྟར། ཀྲུང་གོའི་སྤོ་འགུལ་གྱིས་དེའི་4.9GHzགི་ཆ་ཤས་5Gཟློས་ཕྱོད་ཐོན་ཁུངས་རྒྱལ་ནང་གི་འབྲེལ་ཡོད་ཞིང་ཆེན་དུ་5Gས་སྟོང་འཕྲིན་གཏོང་(5G-ATG)ཡི་ལག་རྩལ་ཚོད་ལྟ་སྤེལ་བར་མཆན་བཀོད་བཀའ་ལན་གནང་།
ངོ་སྤྲོད་བྱས་པར་གཞིགས་ན། 5G-ATGཡིས་5Gསྤྱི་དམངས་ཀྱི་སྤོ་འགུལ་འཕྲིན་གཏོང་ལག་རྩལ་ལ་གཞིགས་ནས། གནམ་གྲུའི་མཁའ་ལམ་བརྒྱུད་དེ་དེ་མཚུངས་ཀྱི་རྒྱལ་སྤྱི་དང་རྒྱལ་ནང་གི་སྒྲིག་སྲོལ་དང་བསྟུན་པའི་དམིགས་བསལ་ས་ཚུགས་དང་དེ་བཞིན་རླབས་ཆུན་དབྱིབས་ཀྱི་གནམ་སྐུད་སྒྲིག་འགོད་བྱས་ཤིང་། ས་ངོས་དང་གནམ་གྲུའི་བར་གནམ་སའི་འཕྲིན་གཏོང་སྦྲེལ་ལམ་བཙུགས་ནས། འགྲུལ་པས་གནམ་གྲུའི་ནང་གི་སྐུད་མེད་དྲ་རྒྱ་སྦྲེལ་ནས་དྲ་རྒྱར་ཞུགས་ཐུབ་པ་བྱ་རྒྱུ་རེད། 5G-ATGནི་མཁའ་འགྲུལ་དྲ་སྦྲེལ་སྤུས་ཚད་མཐོ་བའི་སྒོ་ནས་འཕེལ་རྒྱས་གཏོང་བའི་ལག་རྩལ་ཐབས་ལམ་གལ་ཆེན་གྱི་གྲས་ཤིག་ཡིན་ལ། 5Gསོགས་ལག་རྩལ་གསར་པ་མཁའ་འགྲུལ་དྲ་སྦྲེལ་ཁྱབ་ཁོངས་སུ་བཀོལ་སྤྱོད་གསར་པ་དང་ལས་རྣམ་གསར་པ་ཞིག་ཀྱང་རེད།
བཟོ་ལས་དང་ཆ་འཕྲིན་ཅན་པུའུ་ཡིས་བཤད་དོན། ད་ཐེངས་ཀྲུང་གོའི་སྤོ་འགུལ་ལ་5G-ATGཚོད་ལྟ་བྱ་རྒྱུར་ཆོག་མཆན་སྤྲད་པ་དེས། 5Gདྲ་རྒྱ་ཁྱབ་པའི་བར་མཐོངས་ཀྱི་ཁྱབ་ཁྱོན་སྔར་ལས་ཆེ་རུ་དང་། 5Gལས་རིགས་ཀྱི་བཀོལ་སྤྱོད་རྣམ་པ་རྒྱ་ཆེར་བཏང་ནས། མཁའ་འགྲུལ་ཡུལ་སྐོར་པའི་ཉིན་རེར་ཆེ་རུ་འགྲོ་བའི་མཁའ་ཐོག་གི་དྲ་རྒྱར་ཞུགས་པའི་དགོས་མཁོ་སྔར་ལས་སྐོང་རྒྱུ་རེད།
དོ་སྣང་ཆེ་བའི་རྩོམ།
རྩོམ་གསར། 10