མཐོ་རྒྱུགས་སྐབས་སུ།

ཁོང་སྐར་མ་551གི་ཐོག་ནས་ཧོ་ཧྥེ་བཟོ་ལས་སློབ་ཆེན་ལ་རྒྱུགས་འཕྲོད།

ཉེ་ཆར།

ཁོང་ཡང་ཞིབ་འཇུག་སློབ་མའི་ཡིག་རྒྱུགས་ཀྱི་སྐར་མ་403གྱི་ཐོག་ནས་ 

ལྷོ་ནུབ་ནོར་དཔལ་སློབ་ཆེན་གྱི་དངུལ་རྩའི་སློབ་གླིང་དུ་རྒྱུགས་འཕྲོད་ཡོད།

ཁོང་ནི་00རྗེས་ཀྱི་ཀླད་སྐྱོན་ཕོག་(脑瘫)པའི་གསར་བུ་མིན་ཏུན་ཧྭ་ཡིན།

ལྷན་སྐྱེས་ཀྱི་ཀླད་སྐྱོན་ཕོག་ཡོད་པའི་དབང་གིས་སྔོན་ཆད་ཁོང་སྤོ་བོས་སྒལ་པར་ཁུར་བ་དང་། གཞོག་ནས་སྐྱོར་ཏེ་སློབ་གྲྭར་བསྐྱལ་འགྲོ་གི་ཡོད།

སྤྱི་ལོ་2000ལོར།

མིན་ཏུན་ཧྭ་ཨན་ཧུའེ་ཡོ་ཞི་རྫོང་གི་ཁྱིམ་ཚང་དཀྱུས་མ་ཞིག་ཏུ་སྐྱེས་ཤིང་།

ལོ་གཉིས་ལ་སོན་པའི་སྐབས་སུ།

མིན་ཏུན་ཧྭ་འགྲོ་མི་ཤེས་ཤིང་སྐད་ཆ་ཡང་ཤོད་ཤེས་ཀྱི་མེད། 

དེ་ནས་ཕ་མ་གཉིས་ཀྱིས་མིན་ཏུན་ཧྭ་སྨན་ཁང་དུ་ཁྲིད་ནས་བརྟག་དཔྱད་བྱེད་པའི་ཚེ།

ད་གཟོད་ཁོ་རང་སྐྱེས་དུས་སུ་གསོས་རླུང་དཀོན་(缺氧)པས།

ལྷན་སྐྱེས་ཀྱི་ཀླད་སྐྱོན་བྱུང་ཡོད་པ་ཤེས།

ལོ་གསུམ་ཡས་མས་སུ།

མིན་ཏུན་ཧྭས་ད་གཟོད་སྐད་ཆ་བཤད་ཐུབ་པ་བྱུང་ཞིང་།

གཏན་འཇགས་ཀྱི་སྒྲོམ་སྟེགས་ཤིག་ལ་བརྟེན་ནས་འགྲོ་དགོས་པ་དང་།

ལག་ཟུང་ཀྱང་རྒྱུན་ལྡན་ལྟར་འགུལ་སྐྱོད་བྱེད་མི་ཐུབ།

མིན་ཏུན་ཧྭ་ཡི་ཁྱིམ་ནི་རི་ནང་དུ་ཡོད་པ་དང་།

ཁོ་རང་སློབ་གྲྭར་འགྲོ་དུས་རི་ཁུལ་གྱི་འགྲིམ་འགྲུལ་ཆ་རྐྱེན་ཞན་ཞིང་།

མི་གཅིག་འགྲོ་སའི་རྐང་ལམ་ཆུང་ཆུང་ཞིག་ལས་མེད་པ་རེད།

ཁོའི་ཕ་མ་གཉིས་ཀ་རྒྱུན་དུ་ཕྱི་རུ་ཞོར་ལས་ལ་འགྲོ་གི་ཡོད།

མིན་ཏུན་ཧྭ་ཡིས་ལོ་རིམ་དང་པོ་དང་གཉིས་པ་འགྲིམ་པའི་སྐབས་སུ།

ཁོང་སྤོ་བོས་རྒྱབ་ཏུ་འཁུར་ནས་སློབ་གྲྭར་སྐྱེལ་གྱི་ཡོད་ཅིང་།

སྤྱི་ལེ་གཉིས་ལས་མེད་པའི་རྐང་ལམ་ཀྱག་ཀྱོག་དེར་ཆུ་ཚོད་གཉིས་ཙམ་བསྐྱོད་དགོས་ཀྱི་ཡོད་པ་རེད།

ཕྱིས་སུ་མིན་ཏུན་ཧྭ་རྫོང་སློབ་འབྲིང་དུ་རྒྱུགས་འཕྲོད།

ཨ་མས་ས་ཆ་གཞན་དུ་ཞོར་ལས་བྱེད་མཚམས་བཞག་ནས།

ཁྱིམ་ལ་ལོག་སྟེ་མིན་ཏུན་ཧྭ་བདག་སྐྱོང་བྱས།

སྤྱི་ལོ་2018ལོའི་མཐོ་རྒྱུགས་སྐབས་སུ།

མིན་ཏུན་ཧྭ་སྐར་མ་551གི་ཐོག་ནས།

ཧོ་ཧྥེ་བཟོ་ལས་སློབ་ཆེན་ལ་རྒྱུགས་འཕྲོད།

ཁོང་གིས་ངས་གང་ཐུབ་ཅི་ཐུབ་ཀྱིས་རྒྱལ་ཁབ་ལ་ལེགས་སྐྱེས་འབུལ་འདོད་ཡོད་ཅེས་བརྗོད།

ཁོང་སློབ་སྦྱོང་ལ་འབད་བརྩོན་ཆེ་ཞིང་།

ཞིབ་འཇུག་སློབ་མར་རྒྱུགས་སྤྲོད་རྒྱུའི་སེམས་ཐག་བཅད།

སློབ་ཆེན་སྐབས་སུ་མིན་ཏུན་ཧྭ་ཡིས་ནུས་རྒྱུ་གསར་པའི་ཆེད་ལས་བདམས།

ཁོང་གིས་ང་ལུས་རྩལ་ལ་མི་མཁས།

ངས་རྒྱབ་ཕྱོགས་ཀྱི་ལས་ཀ་སྒྲུབ་འདོད་ཡོད།

གང་ཐུབ་ཅི་ཐུབ་ཀྱིས་རྒྱལ་ཁབ་ལ་ཞབས་ཞུ་སྒྲུབ་འདོད་ཅེས་བཤད།

འོན་ཀྱང་རྐང་ལག་འགུལ་སྐྱོད་བདེ་པོ་མེད་པས་ཚོད་ལྟ་བྱེད་ཁག་པོ་ཡོད།

དགེ་རྒན་གྱི་བསམ་འཆར་འོག

མིན་ཏུན་ཧྭ་ཡིས་ཆེད་ལས་དཔལ་འབྱོར་རིག་པ་ལ་བསྒྱུར་ཏེ།

མུ་མཐུད་དུ་ཕུགས་འདུན་དོན་གཉེར་བྱས་ཡོད།

“ཆེད་ལས་བསྒྱུར་བའི་ཉིན་དེར།

འཛིན་གྲྭའི་སློབ་གྲོགས་ཡོངས་ཀྱིས།

ང་ལ་གཟབ་རྒྱས་ཀྱི་མཛད་སྒོ་ཞིག་སྤེལ་བྱུང་།

སྐབས་དེར་ངས་ངེས་པར་དུ་སློབ་སྦྱོང་ལ་འབད་པ་བྱ་རྒྱུའི་སེམས་ཐག་བཅད་པ་ཡིན།”

དཔལ་འབྱོར་རིག་པ་ཐོག་མར་སྦྱོང་དུས།

མིན་ཏུན་ཧྭར་ཡང་དཀའ་ངལ་ཆེན་པོ་འཕྲད་ཡོད།

འོན་ཀྱང་ཁོས་ཧུར་བརྩོན་གྱིས་ཆེད་ལས་ཐད་ཀྱི་ཧེ་བག་ཁ་གསབ་བྱས།

སློབ་ཆེན་ལོ་རིམ་གསུམ་པའི་སློབ་དུས་སྔོན་མའི་སྐབས་སུ།

མིན་ཏུན་ཧྭས་ཞིབ་འཇུག་སློབ་མར་རྒྱུགས་སྤྲོད་རྒྱུའི་ཐག་བཅད།

ཁོང་གིས་འབད་པ་བྱས་པར་འབྲས་བུ་བཟང་པོ་ཐོབ་ཡོད།

རྗེས་སུ་ལྷོ་ནུབ་ནོར་དཔལ་སློབ་ཆེན་དངུལ་རྩའི་སློབ་གླིང་གི་འབུམ་རམས་པའི་བསླབ་གནས་ལེན་འདོད་སྐྱེས།

ཡིག་རྒྱུགས་གྲ་སྒྲིག་བྱེད་པའི་སྐབས་སུ། 

ནང་མིའི་རྒྱབ་སྐྱོར་དང་།

སློབ་གྲོགས་དང་དགེ་རྒན་གྱི་རོགས་རམ་ཚད་མེད་གནང་བ་དེས།

མིན་ཏུན་ཧྭ་ལ་སྟོབས་ཤུགས་ཚད་མེད་བསྩལ།

སྤྱི་ཟླ་2པར།

ཞིབ་འཇུག་སློབ་མའི་ཡིག་རྒྱུགས་ཀྱི་སྐར་གྲངས་ཁྱབ་བསྒྲགས་བྱས་པ་དང་།

མིན་ཏུན་ཧྭ་ཡིས་སྐར་མ་403བཏང་ཡོད་པ་རེད།

ཁོང་ཧང་སངས་པའི་དུས་མཚུངས་སུ།

དགའ་སྤྲོ་ཚད་མེད་སྐྱེས།

ཉེ་ཆར།

མིན་ཏུན་ཧྭ་ཞིབ་འཇུག་སློབ་མའི་བསྐྱར་རྒྱུགས་འཕྲོད་དེ།

ལྷོ་ནུབ་ནོར་དཔལ་སློབ་ཆེན་གྱི་དངུལ་རྩའི་སློབ་གླིང་དུ་རྒྱུགས་འཕྲོད་ཡོད་པ་རེད།

མིན་ཏུན་ཧྭ་ལ་ཡང་དམིགས་ཡུལ་གསར་པ་ཞིག་ཡོད་དེ།

རྗེས་ཕྱོགས་མུ་མཐུད་དུ་འབད་བརྩོན་བྱས་ནས།

དངུལ་རྩ་རིག་པའི་འབུམ་རམས་པ་ཞིག་ཏུ་འགྱུར་བ་བྱ་རྒྱུ་དེ་ཡིན།

ཁོང་གིས་ཕུལ་དུ་བྱུང་བ་ཞིག་ཏུ་འགྱུར་འདོད་ཚེ་དེ་བས་མཐོ་བའི་སྒང་ཞིག་ཏུ་ལངས་དགོས་ཞེས་བཤད།

མིན་ཏུན་ཧྭ་ཡིས་དྲ་གྲོགས་མི་ཉུང་བ་ཞིག་ལ་སེམས་འགུལ་ཆེན་པོ་ཐེབས་སུ་བཅུག་ཡོད་པ་དང་།

ཁོང་ཚོས་གཅིག་རྗེས་གཉིས་མཐུད་ངང་ཁོང་ལ་སྨོན་འདུན་ཞུས་ཡོད།