སྒོར་མོ་ཪྙེད་ན་རྒྱུ་འབྲས་བརྩི་མེད་དུ་བཏང་བའི་ཚོང་ལས་པ་ཚོ་ལ་ནི་ཆེ་ཆུང་དང་འོས་མི་འོས་སོགས་གང་ཡང་མེད་པས་དེའི་ཕྱོགས་ནས་ཡོང་བའི་དུག་ཅན་ཁ་རླངས་ངན་པ་མི་ཕོག་པའི་ཡོལ་སྲུང་ར་བ་ཞིག་ངེས་པར་དུ་བསྐྲུན་དགོས།   ཕྲུ་གུ་མེད་པའི་ཕ་མ་ནི་ཧ་ཅང་དཀོན་པས་སློབ་མ་ཚོ་ལ་སྤྱི་ཚོགས་ཀྱི་ཁོར་ཡུག་བཟང་པོ་ཞིག་བསྐྲུན་གང་ཐུབ་བྱ་རྒྱུ་ནི་སྤྱི་ཚོགས་ཡོངས་ཀྱི་འོས་འགན་ལྡོག་ཏུ་མེད་པ་ཞིག་ཡིན་ནོ།།
མཁན་གུ་ཚེས་སློབ་གསོའི་གནས་སྐབས་ཡར་ཁ་མར་ཁ་རྟ་ཁ་སྲབ་ཀྱིས་བསྒྱུར་བའི་མཚམས་དང་།   སྐྱ་ཆད་སྔོ་སྡུག་གི་དུས་སྐབས་འདིའི་ཁྲོད་དུ་ཆད་པ་ཁ་སྐོང་ཞིང་མེད་པ་གསར་གཏོད་དང་རྗེས་ལུས་ཀྱི་གནད་དོན་ཐག་གཅོད་དགོས་མིན་སོགས་ནི་མི་རིགས་དེའི་ཤེས་ཡོན་པ་ཡོད་མེད་ལ་རག་རས་ཡོད་པ་རེད།   སྟོང་ཆ་ཆེ་ཞིང་ཉེན་ཁའི་གནས་སུ་འགྲོ་བཞིན་པ་ནི་ང་ཚོའི་བུ་རབས་ཚ་རྒྱུད་དག་ལ་སློབ་གསོའི་མ་ལག་ཚ་ཆང་ཞིག་རྒྱུད་སྤྲོད་གཏན་ནས་མེད་པ་དེ་རེད།  དེའི་ཕྱིར་ཤེས་ཡོན་པ་དག་གིས་སློབ་གསོའི་ལམ་ལུགས་ཁྱབ་བརྡལ་དུ་གཏོང་བའི་སྲོལ་ཀ་ཞིག་མྱུར་དུ་གནང་རྒྱུ་ཧ་ཅང་གལ་ཆེ་བ་སྣང་ཅེས་གསུངས་པ་བཞིན་ལག་བསྟར་གཏང་བ་འཚལ་ལོ།།