འཛིན་བདག་ལགས། སྐུ་དྲིན་ཆེ།

ལྷ་དཀར་མཚོ། 2011-04-07

སྒེར་སེམས་ཀྱི་འདུ་ཤེས་མེད་ཅིང་ཕྱོགས་ཞེན་གྱི་བསམ་བློ་དབེན།བྱམས་སེམས་ཀྱི་འོད་སྣང་མངའ་ཞིང་གཞན་ཕན་གྱི་ལྷག་བསམ་ལྡན། དུས་རྟག་ཏུ་སློབ་མར་བུ་བཞིན་གཅེས་ཤིང་རང་དོན་རྒྱབ་ཏུ་བསྐྱུར་མཁན་ནི་བདག་གི་དམའ་འབྲིང་གི་འཛིན་བདག་སྟེ། ཟླ་བཟང་དོན་འགྲུབ་ཡིན།
       ད་ལྟ་བདག་གི་དྲན་འཛིན་མེ་ལོང་ངོས་སུ་ནམ་ཡང་གསལ་ལེར་མངོན་པ་ནི་དམའ་འབྲིང་དུས་སྐབས་ཀྱི་འཛིན་བདག་ཟླ་བཟང་ལགས་ཡིན་ཏེ། ཁོང་ནི་བདག་གི་མདུན་ལམ་གསལ་བར་བྱེད་མཁན་གྱི་སྒྲོན་མེ་ཞིག་དང་འདྲ་ལ།མི་ཚེར་བདེ་སྐྱིད་སྐྲུན་མཁན་གྱི་ཕ་ལོ་ཞིག་དང་ཡང་འདྲ།ང་དང་ང་ཚོའི་ཆེད་དུ་ཁོང་གིས་སྐྱོ་བའི་མཆི་མ་བཏོན་མྱོང་ལ་དགའ་བའི་བྲོ་གར་ཡང་འཁྲབ་མྱོང་། མ་རབས་ཀྱི་སློབ་མ་འགས་འཛིན་བདག་ཁོང་ལ་ཚིག་རྩུབ་རྣོན་པོས་རྟག་ཏུ་གཙེས་ནའང་། ཁོང་གིས་སྣང་དོགས་ཅི་ཡང་མེད་པར་ལྷག་བསམ་རྣམ་དག་གིས་ང་ཚོ་ལ་བསླབ་བྱ་གནང་། འཛིན་བདག་ལགས། ཁྱེད་ནི་ཅི་འདྲའི་རླབས་ཆེ་ཨང་།
       འཛིན་བདག་ལགས། ཁྱེད་ནི་ངའི་སྙིང་ཁོང་གི་ཉི་མ་སེར་བོ་ཡིན། ཁྱེད་ཀྱི་རླབས་ཆེ་བའི་བྱམས་སེམས་ཀྱི་འོད་སྣང་དྲོན་མོ་ལས་ཉམ་ཆུང་གི་ང་དང་ང་འདྲ་བའི་སློབ་བུ་མང་པོའི་ལང་ཚོ་ལ་གཉོམ་ལག་རྒྱས་ཤིང་བློ་རིག་གི་རྟེའུ་ཕྲུག་ལ་སྐྱེན་མྱུར་གྱི་བང་ཁ་བྱུང་། འཛིན་བདག་ལགས། སྐུ་དྲིན་ཆེ། ཁྱེད་ཀྱི་བྱམས་སྐྱོང་དང་བཀའ་དྲིན་འོག་ང་དང་ང་འདྲ་བའི་སློབ་བུ་མང་ཆེ་བ་ཞིག་་མཐོ་འབྲིང་འགྲིམ་ཐུབ་སོང་།
       འཛིན་བདག་ལགས། ཁྱེད་ཀྱིས་རང་ཉིད་ཀྱི་ནད་ལ་ཡང་མི་འཛེམ་པར་ངེད་ཅག་ལ་དུས་རྒྱུན་དུ་སློབ་ཁྲིད་བྱེད་པ་འདི་ཅི་འདྲའི་བླ་ན་མེད་པའི་ཀུན་སྤྱོད་ཅིག་རེད་ཨང་། ཁྱེད་ལ་ན་ཚ་ལྕི་མོ་བྱུང་ཡོད་དུས་གློ་ལུ་ཞིག་རྒྱག་ཞོར་ནམ་རྒྱུན་དང་འདྲ་བར་གདོང་གནག་པ་དང་གཟབ་ནན་གྱི་ཉམས་ཤིག་མངོན་ཏེ། ས་སྨྱུག་བཟུང་བའི་ལག་པ་འདར་བཞིན་སྒོ་སམ་སྟེང་དུ་ཡི་གེ་སྔར་བཞིན་ཡག་པོ་འབྲི་བ་མཐོང་ཐེངས་རེར། བདག་གི་སེམས……།

འཛིན་བདག་ལགས། སྐུ་དྲིན་ཆེ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10