དཀར་མཛེས་སྤུ་རིས་དཀར་བའི་མཚོ་གླིང་མཆོང་ལྡིང་རླབས་རྩེར་འཕྱོ་དུས་སུ།།
གངས་རིར་དུང་བའི་མི་འགྱུར་དམ་བཅའ་སྙིང་ཁམས་རྡོ་རྗེའི་རིས་སུ་བཀོད།།
དེང་འདིར་འོ་མའི་རྒྱ་མཚོ་བལྟམས་འདྲའི་གངས་དཀར་ལྗོངས་སུ་བརྩེ་བའི་ཚུལ།།
ལྷུང་ལྷུང་ཁྲི་ཕྲག་གཙང་པོར་སྤྲུལ་ནས་རྣམ་ཀུན་བརྗོད་ཀྱང་མཚོན་མི་ནུས།།
 
ཨེ་མ་དཔའ་རིས་ནོར་དཀར་ཁྱོད་ཉིད་གངས་ལྗོངས་སྲུང་བའི་སྒོ་ཕྱུགས་ལགས།།
 
སྣ་བུག་གཉིས་ལས་མཆེད་པའི་ངུར་སྒྲས་དུང་སྐད་སྙན་མོ་དམན་ལ་འཕེན།།
ཉི་ཟླ་ཤར་འདྲའི་རྭ་རྩེ་ཟུང་གིས་དབང་བོའི་གཞུ་རིར་སྐྱེངས་པ་སྟེར།།