སེམས་དཀར་བའི་མེ་ལོང་།༼ཡར་འབྲོག་གཡུ་མཚོར་ཕྱིན་པ།༽
ཡི་དམ་ཚེ་རིང་ནས་བརྩམས། བཀྲ་ཤིས་ཚེ་རིང་ནས་བསྒྱུར། ཁ་བའི་ལྗོངས། 2013-08-07
གསལ་ཞིང་དྭངས་པའི་མེ་ལོང་འདི་འདྲ་སུ་དང་གང་གིས་མངོན་སུམ་མཐོང་བ་ཡོད།།
སྔོ་བསངས་མཁའ་དབྱིངས་ཉི་ཟླའི་རྒྱུ་ལམ་བསམ་བཞིན་གནས་འདིར་འཕོས་པ་བཞིན་དུ་མཛེས།།
རེ་བཞག་མཚར་སྡུག་རབ་ཏུ་སྟོན་ཞིང་དཀའ་བའི་ལམ་ཚད་རིང་མོ་མངོན་བྱེད་ལ།།
དེ་རིང་སྐྱིད་པའི་དགོད་སྒྲ་དང་ནི་ཁ་སང་སྡུག་གི་མཆི་མའང་ཁྱེད་ལ་སྟོན།།
མཚོ་མོའི་འགྲམ་གྱི་ཞིག་རོ་ཟང་ཟིང་བུ་མོར་གཟབ་མཆོར་སྤྲས་བྱེད་མགུལ་རྒྱན་མིན།།
རླབས་སྔོན་རྩེ་ན་རྩེན་ཞིང་ལྡིང་བའི་མི་ཚོགས་དེ་དག་ཅི་ཡིན་ཁོ་བོས་རྟོགས།།
གཟན་རྩྭ་གཟན་ཆས་བསྒྲིགས་པའི་རྟར་ཞོན་ལམ་འཁྱོག་ལོ་རྒྱུས་ཤུགས་ཀྱིས་དྲང་པོར་སྲོང་།།