དབུགས་ཆད་ལ་ཁད་ཀྱི་ཉི་ཟེར་རྟ་རྔ་ཕྲ་མོ
           སྐོམ་གདུང་གིས་གཟིར་འདྲའི་ནུབ་རིའི་ཕག་ཏུ་ཡིབ
           ངལ་དུབ་ཀྱིས་གདུང་བའི་ལམ་འགྲོ་བ
           དབུགས་ཧལ་ཧལ་གྱིས་མལ་དུ་སྔས

           ཅི་ཞིག་གི་རྐྱེན་གྱིས་བཏེགས་པའི་འཕྲུག་སློང་དེ
           ན་ཟུག་གིས་བདག་གི་བྲང་གཞུང་དུ་སྨིན་ཚེ
           ཅིས་ཀྱང་དངངས་སྐྲག་དང་བཅས་སད་རན 
 
           རྨི་ལམ   བདག་གི་རྨི་ལམ 
           ལན་རེར་ལམ་འཕྲང་འཇིག་སྲང་དུ་འབབ་ལ
           སྐབས་རེར   དམར་ལམ་ལམ་གྱི་མཆོད་ངོགས་སུ་འང་འབབ
           ཡང་ན    དམར་ཧྲང་ཧྲང་་གི་ལུག་ཤ་ལྟ་བུའང་སྲིད

           མི་དོན་དཔྱད་ཤེས་ཀྱི་ངག་རྒྱུན་ལ
           རྨི་ལམ་དུ་སྤྲུལ་དང་སྦལ་བ་ལག་ཡོང་ཡིན་ཟེར
           ལུག་དང་ཤ་ཁོག་ནི་ལན་ཆགས་ཡིན་ཟེར
           ཏག་ཏག   ལུག་ཤ་དྲུད་པའི་རླངས་འཁོར་ཞིག་ཤར་མར་རྒྱུགས་འོངས་དུས
           ད་གཟོད་ཞགས་གཅིག་གི་དྲན་པ་གསོ་བའི་རྟ་ལ་ཆིབས་སོང