འཚོལ།
སྨན་མཁའ་འབུམ་ཚེ་རིང་། 2012-03-23
འཆར་ཡན་གྱི་རྨི་ལམ་རིང་མོ་ཞིག་དྲན་ནས
མུན་ནག་གི་སྨག་རུམ་ཐོད་ལ་དཀྲིས་ཏེ
ལྷིང་འཇགས་ཀྱི་མཚན་ལྗོངས་ཁེད་ཀྱིས་དཀྲོག་བཞིན
འོད་ཟེར་མ་ཁྱོད་རང་འཚོལ་བར་ཕྱིན
འོན་ཀྱང་མུན་ནག་གི་རྔམས་ཁ་སྟུག་དྲག་པས
ངས་ཅི་ཡང་རྙེད་མ་བྱུང
འབྱུང་འགྱུར་གྱི་འདུན་པ་ཞིག་གི་ཆེད་དུ
ཁེར་རྐྱང་གི་སེམས་པ་གྲིབ་གཟུགས་དང་བསྡོངས་ནས
རི་ཆུ་སྟོང་ཕྲག་གི་ལམ་ཕྲན་འཕྲེད་ཀྱིས་གཅོད་བཞིན
ལྗང་ལོ་མ་ཁྱོད་རང་འཚོལ་བར་ཕྱིན
ཡིན་ཡང་དགུན་གཞུང་གི་བུ་ཡུག་རྒོད་དྲག་པས
ངས་ཁྱེད་ཀྱི་ཞབས་རྗེས་ཙམ་ཡང་མཐོང་མ་བྱུང
མཛེས་སྡུག་གི་འཚོ་བ་ཞིག་བསམ་ནས
ལང་ཚོའི་གདོང་ལ་གཉེར་མ་རེ་ཕབ་སྟེ
ལོ་ཟླའི་འཁོར་བསྐྱོད་སེམས་པས་ཟློ་བཞིན
བདེ་སྐྱིད་མ་ཁྱོད་རང་འཚོལ་བར་ཕྱིན
ཡིན་ཡང བསྐྱར་ཟློས་ཀྱི་ལོ་ཟླ་རྫོགས་མཐའ་མེད་པས
ཁྱེད་ཀྱི་གྲིབ་གཟུགས་ཙམ་ཡང་མཇལ་མ་ཐུབ
དོན་ངོ་མར་ཅི་ཞིག་རྐྱེན་སོང་
ངས་འཚོལ་བའི་ཁ་ཕྱོགས་ནོར་སོང་བ་ཡིན་ནམ
ཡང་ན ང་འོངས་བའི་དུས་རབས་ནོར་སོང་བ་ཡིན
༢༠༡༢ལོའི་ཟླ་༣ཚེས༩ཉིན།
དོ་སྣང་ཆེ་བའི་རྩོམ།
རྩོམ་གསར། 10
རྫ་སྨུག་མཁར་གྱི་མཛེས་དཔལ་ཉམས་སུ་མྱོང་།- སླར་མཇལ་བ།
- དུར་ཁྲོད་འོག་གི་དྲན་པ།
- མཐོ་རྒྱུགས་ལ་སྦྱར་བའི་མགུར་མ་དགུ་སེང་དྲུག་འགྱུར།
- ཨ་ཕ་དང་ལུག་ཁྱུ།
- ༄༅།།ཤིང་ཏོག་གི་དྲི་ཞིམ་ཁྲོད་ཀྱི་བོད་ཁང་དམར་པོ།
- གསར་བརྗེ་རིག་གནས་རྒྱུད་འཛིན་གྱིས།། ཆོས་ལུགས་ཡར་རྒྱས
- ཁུ་བྱུག
- ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་ཚོགས་འདུ་འཚོགས
- ལྷ་སར2021ལོའི“ལྷ་མོའི་ཟློས་གར་འཁྲབ་སྟོན་དུས་ཚིགས”སྤེ