གནམ་ནས་ཀུ་ཤུ་ཞིག་ལྷུང་བྱུང་།

རེ་རྐང་གླིང་། 2011-09-14

ལོ་ཟླའི་གཏུན་ཤིང་གིས

དུས་ཚོད་ཀྱི་མཁར་རྔ་བར་མེད་བརྡུངས་པས

ཐ་སྙད་ཀྱི་གཟུགས་སུ་སྤྲུལ་བའི་དབྱངས་ཀྱི་སྡོང་བོ

ལྕུགས་ལྕུགས་གཡོས་ཤིང

བྲན་གཡོག་དམར་པོ་དེའི་ལག་པ

ལྷན་པ་བརྒྱབ་པའི་ཕྱི་དྲོ་ཞིག་གི་མགུལ་ལ་འཁྱུད་དེ

གསང་སྟབས་ཀྱིས སྤྲིན་པའི་སྒྲོག་གུ་གྲོལ་ན

བར་སྣང་ནས་ཀུ་ཤུ་མང་པོ་ཞིག་ཐོར་ཏེ་འོང

ལག་པ་གཉིས སྒེའུ་ཁུང་གཉིས་སུ་གྱུར་རྗེས

ཕྱིར་དྲན་གྱི་གཙང་བོ་མཐའ་དག་ནམ་མཁར་བཞུར་ཅིང

ལྡེབས་ངོས་སུ་བྲིས་པའི་ལྗོན་ཤིང་དག་གི་རྩེ་ལ

དམར་མདོག་གི་ཀུ་ཤུ་མང་པོ་ཞིག་སྨིན

རྨི་ལམ་གྱི་ཐལ་བ་འཚུབས་པའི་ཞོགས་པ་དེས

ཡོད་ཚད་གཉིད་ལས་བསླངས་པར

ནམ་མཁའ་ནས་ཀུ་ཤུ་མང་པོ་ཞིག

ཆར་བའི་ཟོལ་གྱིས་ཤག་ཤག་འབྱོས་ཏེ་བྱུང

སྐབས་འདི་ལ

ངས་རང་གི་བྲང་ཁར་བཏགས་པའི་མགོ་རུས་ཤིག་མཐོང་བའི་མོད་ལ

ཕར་ཕྱོགས་ཀྱི་སྨ་ར་ཅན་གྱི་མི་རྒན་དེའི་ངོ