བོད་མི་ཚོ།ལྐོག་གྱུར་ཡིན།
ཡང་ན།འབྱུང་འགྱུར་ཡིན།
 བརྗོད་བྱང་།
གདོད་མའི་ལོ་རྒྱུས་དང་།
གནའ་བོའི་རོ་སྒྲུང་
བོད་མི་ཚོ།བཤད་རྒྱུན་བཞིན།
བཤད་རྒྱུན་གྱི་ཁ་འཕྲོར་བྱུང་།
དུས་དེ་ནས།
གནམ་སའི་ངོ་སོ་བསྟད།
ལྷ་མིའི་རུས་རྒྱུད་མཐུད།
བོད་མི་ཚོ།ཆེས་རྒྱང་རིང་གི་རེད།
ལྷའང་ཡིན།འདྲེའང་རེད།
བོད་མི་ཚོར།ཤ་ཁྲག་གི་འབྲེལ་བ་མོད།
བོད་མི་ཚོར།རིགས་རུས་ཀྱི་རྒྱུ་མཚན་མང་།
མདོར་ན།བོད་མི་ཚོ།
འཕྲུལ་སྣང་དང་རྣམ་རྟོག་གི་བཙན་པོ་ཚང་།
ད་དུང་རང་བྱོན་རེད།
བྲག་ལ་བབས་པའི་རབ་རིབ་ཀྱི་བྱིན་རླབས་ཡིན།
གངས་ལ་ཆགས་པའི་བོད་ཚང་གི་ལུགས་སྲོལ་རེད།
བོད་མི་ཚོ།ད་དུང་ཐག་རིང་ནས་འོང་།
ལྟོས་ཤིག ཉི་ནུབ་ཀྱི་ཛ་དྲག་གི་དབུས་སུ།
འབྲོང་ཁྱུ་ཞིག་སླར་ཡང་རྫ་ལ་གཤར།
ཕ་གིར་ཡོད་ས་སྲོད་དམ་ཞོགས་པའི་དུད་ཚང་།
བོད་མི་ཚོ།འདི་ལྟར་ས་སྲོད་བཞིན་རྒས་མྱོང་ལ།
ཁོ་ཚོ་དཔའ་སྤོབས་ཀྱིས་འཆི་ཕོད་ལ།
བདེན་དོན་ལ་གསོན་ཡང་ཐུབ།
གུས་འདུད་ཞུ་བོད་མི་ཚོར།
བོད་མི་ཚོ།རླུང་རྟ་ཡིན།
བོད་མི་ཚོ།ཁ་བཏགས་རེད།
ཉོན་དང་།ཐུགས་རྗེ་ཡི་རྨིག་སྒྲ་ཐག་ཐག
ལྟོས་དང་།བྱིན་རླབས་ཀྱི་བཟླས་བརྗོད་ལྷོག་ལྷོག
བོད་མི་ཚོ།ངེས་དོན་གྱི་བོད་མི་རེད།
ས་ཆེན་པོའི་རྒྱ་ཕིབས་ནང་བཞིན།
གདོད་མའི་གཙུག་ལག་ཏུ་གྲུབ།
བོད་མི་ཚོ།ངེས་དོན་གྱི་བོད་མི་རེད།
གླུ་ལེན།ད་དུང་གར་ཡང་ཟློ།