སྤུན་ཟླ།
ཀུན་དགའ་བསམ་གཏན་གྱིས། 2011-03-10
དུས་ཀྱི་འཕོ་འགྱུར་ཞིག་གམ།
འདུ་ཤེས་ཀྱི་བསྒྱུར་བཀོད་ཀྱིས།
གནམ་ས་བླ་འོག་ཏུ་བསྒྱུར།
གདོད་མའི་གནས་གཞི་རུ།
མེས་པོའི་ཤུལ་བཞག་ལ་འཐམ་འཁྱུད་ངང་ལྷག་པ།
ཇི་འདྲའི་ཉམ་ཆུང་དང་སྙིང་རྗེ་བ་ཞིག་ཨང་།
ཕྱི་རོལ་གྱི་རླུང་བུ་གངས་རིའི་ཉ་ག་ནས་མཐོ་སྒང་གི་ཡུལ་གྲུར་ལྡང་།
ད་ཡོད་ལ་བློ་མ་ཚིམ་པའི་སྤུན་ཟླ་ཚོས་གསར་བྱུང་གི་མཁའ་དབུགས་འཇིབ་སྟེ།
སྔར་མེད་པའི་ཐབས་ཤེས་གསར་པ་ཞིག་
སྔར་ལས་ཟབ་པའི་དུང་ཞེན་རྣམ་དག་ཅིག
འདྲེན་བྱེད་ཀྱི་ལམ་དུ་འབྲོག་ཁུལ་གྱི་མེ་ཏོག་སེར་ཆེན་དང་།
རྣ་དབང་གི་བདུད་རྩིར་ཞིང་ས་རུ་ཁུ་བྱུག་གི་གསུང་སྐད་སྙན།
དངོས་གནས་བསྟོད་པར་འོས་ཏེ།
འདས་དོན་ལ་འཁང་ར་དང་འགྱོ ད་ནོངས་གང་ཡང་མེད་པར་ད་ལྟ་གནད་
དུ་བཟུང་སྟེ་མ་འོངས་འབེན་དུ་བཞེངས་པའི་ཁོ་བོའི་སྤུན་ཟླ་ཚོ།
ནམ་ཡང་དགའ་བར་འོས་ཏེ།
སོལ་རྒྱུན་ལ་ལྷན་པ་བསླན་ཞིང་གསར་དར་གྱི་འཚེམ་དྲུབ་ལ་བརྩོན་པའི་ཁོ་བོའི་སྤུན་ཟླ་ཚོ།།