ཆེས་ཐོག་མ་ནས་བཟུང་།
ཚེ་སྲོག་གི་རྣམ་ཤེས་མཐོ་བརྗིད་ཀྱི་རི་སྒང་ནས་སད།
རི་སྒང་གི་རྫི་བོ།
ཁྱེད་ཀྱིས་ཁ་བ་དང་བུ་ཡུག་གི་ཁྲོད་དུ་རེ་སྙེག་བཅོལ་ཅིང་།
ཁྱེད་ཀྱིས་ཆར་ཆུ་དང་འཚུབ་རླུང་གི་གསེབ་ནས་བདེ་སྐྱིད་བཙལ།
འཇིག་རྟེན་གྱི་སྦས་ཡུལ་ཞིག་ནས་རང་ཉིད་ཀྱི་ལང་ཚོ་མེ་རུ་སྒྲོན་གྱིན།
ངའི་སྤུན་ཟླ།
ནོར་གནག་གི་རྨིག་རྗེས་ན་བདེ་སྐྱིད་ཀྱི་དབུ་ཁྱུད་མེད་ལ།
འབྲོག་ཐང་གི་པང་ལྟེབས་སུ་མདུན་སྐྱོད་ཀྱི་ལམ་ཁ་མེད།
དེ་བས།  འདི་རུ་ཕེབས་དང་།
འདི་ན་ལྐོག་གྱུར་གྱི་གསང་གནད་འགྲོལ་བའི་བློ་སྟོབས་ཀྱི་ལྡེ་མིག་ཡོད་ལ།
འདི་ན་དངོས་སྣང་གི་འཚོ་བ་མཐོང་བའི་ཀུན་རྟོགས་ཀྱི་འཆར་ཡོལ་འདུག
བདེ་སྡུག་གི་རི་ཆུ་ཁྲི་སྟོང་གི་ཕ་རོལ་ན།
ད་གཟོད་རང་ཉིད་ལ་དབང་བའི་ཕ་གཞིས་ཡོད།
ཕེབས་དང་།  ང་ཚོ་ལམ་དུ་ཆས།
ང་ཚོས་སྤོབས་སེམས་དང་ཡིད་ཆེས་ཁྱེར་ནས་ལམ་དུ་ཆས།
རི་སྒང་གི་རྫི་བོ།   ངའི་སྤུན་