བཀག་མ་ཡོང་།
ང་འཕུར་དགོས།
འཕུར་ལམ་དོག་ཅེས་ཟེར་ན་སྲིད་མོད།
མཁའ་དབྱིངས་དོག་ཅེས་ཟེར་ན་བདེན་དཀའ།
བཀག་མ་ཡོང་།ང་འཕུར་དགོས།
མཁའ་ལམ་འཐིབས་ཞེས་བཟླས་ན་བདེན་སྲིད།
ཉི་འོད་མ་སྙེག་འཆད་ན་འཐད་དཀའ།
བཀག་མ་ཡོང་།
ང་འཕུར་དགོས།
གནོད་སེམས་མ་འཆང་ཟེར་ན་འགྲིག་མོད།
ཕུགས་སེམས་མ་འཛིན་ཟེར་ན་གེགས་རེད།
བཀག་མ་ཡོང་།
ང་འཕུར་དགོས།
གཤོག་ཟུང་མ་བརླག་ཟེར་ན་དགེ་མོད།
རང་གཤིས་མ་སྟོན་ཟེར་ན་བཟང་མེད།
བཀག་མ་ཡོང་།
ང་འཕུར་དགོས།
གཞན་ལམ་མ་འཇོམས་ཟེར་ན་འོས་མོད།
རང་ལམ་མ་གཏོད་ཟེར་ན་ཉན་དཀའ།
བཀག་མ་ཡོང་།
ང་འཕུར་དགོས།…