རླན་གཤེར་ཆར་གྱི་འབྱམས་ཀླས་གངས་དང་ཁ་

བ་གྱུར་སོང་། །

རི་ཚོགས་ལྗང་མདོག་མོད་པོ་སྐྱ་བམ་སྔོ་བམ་

འདི་རེད། །

ནེའུ་གསེང་བུང་བའི་དབྱངས་སྙན་འཇག་སྐྱའི་

ཤུགས་གླུས་བཅོམ་སོང་། །

གྲེ་འགྱུའི་ཡི་ག་བོར་བའི་ཁུ་བྱུག་མོན་ལ་

ཆས་རན། །

དྭངས་བསིལ་མཚོ་མོའི་འགྲམ་ངོགས་དར་གྱིས་

ཟ་ཟུར་སྟུངས་པ། །

ངང་པ་ཁྱོ་ཤུག་བསྡེབས་ཏེ་རྒྱལ་ཁམས་བསྐོར་

དགོས་ལོས་ཡིན། །

དམར་སེར་ཉི་མའི་མདངས་ལྡན་སྐལ་མ་མེ་ཏོག་

དེ་ཡང་། །

ཞེ་ཡི་སྨྲེང་བ་སྐྱོམ་པའི་ཨ་སྤུ་བྱེའུ་སྤུ་སོང་བཞག །

དགུན་ཟླའི་བསུ་མ་ཡིན་འདྲའི་བུ་ཡུག་དལ་

བུར་འཚུབས་ཏེ། །

སྣང་བའི་ཁ་ཚོན་ཡིན་ལྟར་གནམ་ངོ་ཤིན་ཏུ་

སྒྲིབ་ཀྱི། །

སོ་ནམ་སྟོན་གྱི་དུས་ཚིགས་མི་ཚོགས་ལས་ལ་

བྲེལ་སོང་། །

ང་ནི་བྲེལ་རྒྱུ་མི་འདུག་དལ་ཡང་དལ་རྒྱུ་མི་འདུག །

ཚོར་འདུའི་འགྱུར་བག་སྐྱེན་པའི་གཞོན་རབས་མྱ་

ངན་པ་ཡིས། །

སྣང་བ་རྒྱ་ཡན་གྱུར་པའི་ཉམ་ཞན་རྨི་ལམ་

རྨིས་ཞོར། །

ཉི་ནུབ་བྱ་ཁྱུའི་གཤོག་སྣེ་ཤར་ལྷོར་གཏོད་པའི་

རྗེས་ལ། །

ཡིད་ཀྱི་སྨོན་པ་ལྟ་བུ་ཁོག་འཛུམ་ལན་གཅིག་

ཐལ་སོང་། །

མུན་པས་རྐང་འཇབ་ལག་འཇབ་ང་ཡི་ས་

ཆེན་གཡོགས་དུས། །

ཟླ་གཞོན་འཛུམ་པའི་ལང་ཚོ་ཤར་རིའི་ཕྲག་ནས་

མ་མངོན། །

སྟོན་ནམ་རིང་མོའི་སྒལ་གཞུང་སུན་སྣང་སྤུ་

གྲིས་གཤགས་ཏེ། །

སང་ཞོགས་གསོན་པའི་རེ་སྤོབས་སྐར་མ་འོད་

ཆེན་བཅོལ་ཡོད། །

སེར་མདོག་དོད་པའི་སྡོང་ལོས་མཇུག་མཐའི་སྨྲེ་

ངག་འདོན་གྱིན། །

རླུང་གཡུག་ལན་གཅིག་ཁྲོད་དུ་སག་སག་ས་རུ་

ལྷུངས་སོང་། །

སྣ་ཚོགས་ཡུལ་གྱི་བཀོད་པ་མིག་ལྡེབ་ཡུད་ཀྱིས་

འགྱུར་ཚེ། །

དྭངས་གཙང་འདུན་པའི་རེ་སྨོན་ཉམ་ཐག་ཡིན་པ་

ཤེས་བྱུང་། །

སྐྱེ་འཆིའི་ལམ་ཁ་ཧྲིལ་པོ་ངན་གཡོ་གཟེར་མས་

ཁེངས་འདུག །

བདེན་དོན་དབུལ་པོའི་ཞབས་ཟུང་ཚུགས་ཀྱིས་

ཕོངས་པ་ཡིན་འགྲོ། །

སྲོད་ཀྱི་ཁྱི་གུ་ཁེར་ཟུག་སྟོན་མཇུག་སྨྲེང་བ་

ལྡོམ་པོ། །

ལྷན་གཅིག་བསྡེབས་པ་མ་དགོས་བློས་བསླངས་སོ་

སོས་བསྐྲུན་ཡོད། །