རུས་རྐང་དྭངས་མ། 2024-03-11
ལྷུན་ཆགས་གངས་ཅན་ཁ་བ་ཅན་ལྗོངས་སུ། །
མི་ཚེའི་གོམ་པ་དང་པོ་དལ་གྱིས་སྤོས། །
བྱམས་བརྩེ་ཨ་མའི་པང་དུ་སྐྱེས་ནས་བཟུང་། །
དྲིན་གྱི་རྨི་ལམ་ཐོག་མ་དེ་རུ་བཞག །
མཐིང་སྨུག་ལྷ་སྦྲ་གུར་ཁྱིམ་ཐུ་འོག་ཏུ། །
ལས་འབྲས་གསེར་གྱི་ཐག་བཟང་འཆིང་པ་དང་། །
དྲིན་ཆེན་མ་ལོའི་པང་དུ་སྐྱེས་ནས་བཟུང་། །
དུས་ཀྱི་རྨི་ལམ་ཐོག་མ་དེ་རུ་རྨིས། །
རིང་ནས་འདྲིས་པའི་དྲིན་ཅན་མ་ལོ་ནི། །
གནམ་གྱི་ཉི་ཟླ་ས་ཡི་རྩི་ཤིང་སྟེ། །
ཀུན་ལ་སྤྲོ་སྣང་སྟེར་བའི་དགོས་འདོད་དམ། །
ཡོད་ཚད་བདེ་བར་སྦྱིན་པའི་བྱམས་མགོན་ཡིན། །
ཡུན་དུ་འགྲོགས་པའི་དྲིན་ཅན་མ་ལོ་ནི། །
བུ་ལ་བྱམས་ཀྱིས་གཅེས་པར་སྐྱོང་བ་དང་། །
ཀུན་ལ་འཛུམ་གྱིས་དགོད་སྒྲ་སློང་བ་སྟེ། །
དྲིན་ལྡན་མ་ཡུམ་སྐུ་ཚེ་བརྟན་པར་ཤོག །
གཏན་ཏུ་བརྩེ་བ་དྲོད་ཀྱིས་སྐྱོང་བ་དང་། །
མཉམ་དུ་འཛུམ་ཆུང་མིག་གིས་ལྟ་བ་སྟེ། །
ཁྱེད་ཉིད་ཡུན་དུ་ཚེ་རིང་ནད་མེད་ཅིང་། །
དགའ་སྐྱིད་ཕུན་ཚོགས་བདེ་ལ་རོལ་ནུས་ཤོག
རྩོམ་གསར། 10