གངས་ཅན་ཆོས་དབྱིངས། 2023-04-17
གང་ལ་བལྟས་ན་སུ་ཞིག་མི་མཐོང་བའི་
དུས་ཚིགས་ཤིག།
ཁ་ནས་ཁ་རླངས་ཀྱི་ཟིལ་བ་ཞིག་ཆགས།
ལག་ནས་སེམས་མེད་ཀྱི་ཕུང་པོ་ཞིག་བཟུང་།
རྣམ་ཤེས་ཀྱི་ལྟ་བ་སྣ་ཚོགས་ལ་བལྟས་
ནས་སྡོད་སྐབས།
སྐར་ཆ་གཅིག་ནས་གཉིས་ལ་འགྲོ་བ་གཉིས་ནས་
གསུམ་ལ་ཤོར་སོང་།
མིག་ནི་སྐྲག་མི་ཤེས་པའི་སྲོག་མེད་ཅིག།
རྣ་བ་ནི་བརྡ་མེད་པའི་འོན་པ་ཞིག་རེད།
སྙིང་ཤ་དེས་ཁྲག་གི་བདུད་རྩི་དྭངས་མ་རྙེད།
ངས་ང་མ་ཤེས།
ཐག་རིང་ནས་ཐག་རིང་ལ་བལྟས་པ།
ལོ་རྒྱུས་ཀྱི་རྣམ་ཤེས་མ་གཡར་བའི་མཚན་མོ་དེར།
མཚམས་མི་འཇོག་པའི་མཚན་མོ།
ཅི་ཙམ་གླེང་ན་དེ་ཙམ་འཁྲུག་འགྲོ།
ངོ་མ་དེ་ནི་མཚན་མོའི་ནུས་པ་ཉམས་སོང་
བ་མ་ཡིན་ནམ།
མཚན་མོ་ནི་མཚན་མོ་ཞིག།
གང་ཡང་མ་ཤེས།
བདེ་ནས་བདེ་བའི་ཆེད་དུ་མ་ཡིན་པའི་མཚན་མོ།
མཚམས་མི་འཇོག་མཚན་མོ་འདིར།
ཐོགས་པ་མེད་པའི་མཐའ་ལ་འཁྱོངས་པའི་མཚན་མོ།
ཞུམ་པ་མེད་པའི་ལག་ཉུག་བྱེད་པའི་མཚན་མོ།
མཚན་མོ་ནི་མཚན་མོ།
ཚེ་སྲོག་སྩོལ་བའི་མཚན་མོ།
མཚན་མོ་ནི་ཅི་ཞིག་གི་མཚན་མོ།
རྩོམ་གསར། 10