ང་རང་འབྲུག་སྒྲ་ལ་ཉན་རྒྱུར་དགའ་བོ་ཡོད།

ང་རང་ཆུང་དུས་ཨ་མའི་རུམ་ནས་འབྲུག་

སྒྲ་ལ་རྣ་བ་ཡང་ཡང་བླགས་མྱོང་།

གློག་མར་འཁྱུག་ཐེངས་རེ་རེར།

ངས་ནི་རྣ་བ་ཀྲོག་ཀྲོག་གིས་འབྲུག་སྒྲ་

ལ་གཟབ་ནན་གྱིས་མཉན་གྱི་ཡོད།

གློག་དམར་གྱིས་སྦྲ་ནག་ཕྱི་གསལ་ནང་

གསལ་དུ་བཏང་དུས།

འབྲུག་སྒྲ་ཆེན་པོ་ཞིག་གྲགས་ངེས་སྙན་

ཏེ་དགའ་བས་བཟི་འགྲོ།

འབྲུག་ཆེན་པོ་གྲགས་དུས།

ཐོག་འཕང་བར་དོགས་ཏེ་མི་མང་པོ་ཧ་

ཅང་སྐྲག་མོད།

ཨ་མའི་རུམ་ནས་ང་ལ་འཇིགས་དངངས་

ཅི་ཡང་མེད།

ང་རང་ཆུང་དུས།

དབྱར་ཁ་ལ་རེ་ཞིང་སྒུག

རྩྭ་ཐང་དང་ནོར་གནག

མེ་ཏོག་དང་ལུ་གུ

ད་རུང་དེའི་ག་ལ་ཚད།

མཚན་ལྗོངས་ཀྱི་གློག་དམར་དང་འབྲུག་སྒྲ

ཆར་ཞོད་དང་རྟ་མཆོག་གི་འཚེར་སྐད།

ཅི་འདྲའི་བསོ་ཨང་།  ཅིའ་དྲའི་བསོ་ཨང་།

ད་ལྟ་བསམ་ན།   དེ་དག་ནི།

རྨི་ལམ་ཐུན་གཅིག་ཏུ་གྱུར་ཚར་ནའང་།

འབབ་ཞོད་ཧ་ཅང་ཆེ་བའི་དོ་ནུབ།

སྒེའུ་ཁུང་འགྲམ་ནས།

ཆར་ཞོད་དང་འབྲུག་སྒྲ་ལ་རྣ་བ་བླགས་ཏེ།

བྱིས་དུས་ལ་ཕྱིར་དྲན་ཐེངས་གཅིག་ཤོར།