ལུག་རྫི། 2020-10-22
སྟེང་མི་བཅོ་ལྔ་ཁྲ་རོག་རོག་གིས་འཛོམས་ཡོད།
ལས་དབང་གི་གཟེབ་ན།
འོག་ཕྱུགས་བརྒྱ་ཕྲག་གོད་ཆག་གིས་
ཕོངས་བཞག
བདེ་འགྲོའི་མི་ཁྱིམ་ན།
ཕྱི་བལྟས་སྐྱེ་བོའི་ཡིད་སྨོན་འཆོར་ས་དེས།
ནང་བཞུགས་ལྷན་རྒྱས་བློ་ཁ་གང་ཡོད་དམ།
འབྲུ་ཁང་ནས་རིལ་རིལ་འབྲུ་དྲུག་ཆད་
མྱོང་མེད་པས།
ཆང་རྐྱལ་གཞོན་ནུ་ལུ་གུ་རྒྱུད་དུ་བྱུང་།
རྩྭ་ར་ན་མང་མང་སྐྱ་རྩྭའི་ཕུང་བོ་བརྗིད་པས
མར་ཕྱུར་མེད་པའི་སྐྱོ་མ་ལྡག་དགོས་མ་བྱུང་།
ངས་ཆང་འཐུང་དམྱལ་བར་སྐྱེ་མིན་ལ་
འདང་རྒྱག་གི་མེད།
རྣམ་སྨིན་གྱི་བགོ་སྐལ་སོ་སོས་མྱང་དགོས་པས།
ང་དེ་ལས་ཀྱང་སེམས་འཚབ་ལང་ས།
ཆང་དང་བུད་མེད་ར་མ་གསུམ་གདམ་
གསེས་ལ་འཕྲད་པའི་འཁྲུལ་བློས།
དབུ་ལོ་མོ་བྲང་ལ་གུག་སྟེ།
ཚངས་སྤྱོད་ཀྱི་དབུ་ཞྭ་ས་ལ་ལྷུང་མཁན་གྱི་
སྤྱོད་ཚུལ་ལ།
ཆང་ཁ་ལ་འཐུངས་ཀྱང་རྩིས་ཁོག་ལ་གསལ་
ཟེར་མཁན་དེས།
ལད་མོ་བྱས་ཨེ་ཡོང་བསམས་ཀྱི།
ང་ད་རུང་ཞེད་ཀྱིན་འདུག
ལད་ཟློས་བྱས་པས་མི་ཚད།
བསླུ་བྲིད་ཀྱིས་བསྐོན་པའི་འདོད་སྲེད་ཀྱི་
ཞགས་པའི་མགུལ་རྒྱན།
བླ་མའི་ཚེ་མདུད་བཞིན་གཅེས་པོར་
བཏགས་ནས།
ཚེ་མཇུག་ལ་འཕུད་རྒྱུ་མ་རེད་སྙམ།
རྩོམ་གསར། 10