གཡུ་ཆུང་ཡེ་རྡོར། 2020-08-21
ཨ་མ་ལགས།
སྙིང་སྟོབས་དང་བྱམས་ལྷག་ནི།
ལྷ་ཆེན་ཚངས་པ་ལས་ཀྱང་འཕགས།
ང་ཡི་ཨ་མ་ལགས།
ཤེས་རིག་གི་སྒོ་ཆེན་ཙམ་ཡང་སྒུལ་མ་མྱོང་ཡང་།
དཀྱེལ་ཡངས་དང་བློ་རིག་སུ་ལས་ཀྱང་བླ་ན་མཐོ་བའི་
ང་ཡི་ལྷ་ཆེན་པོ།
དཀའ་སྡུག་ནི་ཇི་འདྲའི་འཇིགས་སུ་རུང་ཡང་།
འཚོ་ཚིས་ནི་བཟོད་གླགས་བྲལ་བའི་ན་ཟུག་ཅིག་
ཏུ་འཁུམས་ཀྱང་།
བུ་ཡི་ལྟ་སྒོམ་སྤྱོད་གསུམ་དང་དུ་ལེན་ནུས་པའི་
ཤེས་རབ་ཀྱི་ལྷ་ཆེན་པོ།
ཇི་སྲིད་དུ།
ང་ཡི་ཚེ་མཇུག་སྐྱ་ལོ་རླུང་གིས་ལྡེག་ཅིང་།
ཚེ་མཐའི་སྐར་མ་དེ། རྨི་ལམ་བཞིན་གཞན་དུ་
ཡིབ་ཚེ།
ང་ཡིས། ང་ཡིས།
ཚེ་རབས་ཀྱི་ཤ་ཁྲག་སྲད་བུར་བརྒྱུས་པའི་
ཚེ་ཡི་ལྷ་ཆེན་པོ་ཁྱེད་རང་སྒོམ་ངེས།
ང་ཡི་ལྷ་ཆེན་པོ།
རྩོམ་གསར། 10