བཏང་སྙོམས་ཀྱིས་བསྒྱུར། (མཚོ་སྔོན) 2017-09-04
(༡) རྒྱང་རིང་།
རྩྭ་ཐང་གི་དཔའ་མོ་མིང་སྲིང་གཉིས།
ལུང་མེ་དང་ཡུ་རོང་།
ང་ཇི་འདྲའི་ཁྱོད་ཚོ་དང་མཉམ་དུ་འདུག་འདོད།
དྲག་རླུང་ཁ་བའི་ཁྲོད།
རྩྭ་ཐང་ཆེན་མོའི་སྟེང་།
ཀུང་ཧྲེ་ཡི་ལུག་ཁྱུ་ལ་བལྟས་འདུག
(༢) རྒྱང་རིང་གི་ལམ་ཐག
ཆར་ཆུ་ཁྲོད་ནས་བདེ་མོ་ཐང་གི་གྲོ་འབུས་པ་རེད།
ཆར་ཆུ་དེ་དག་གི་ཁྲོད་ཀྱི་མཛེས་ལྗོངས་ཀྱི་ཁ་དོག་ཆ་མེད་ཅིག
གནམ་ངོ་སྔར་ནས་རུབ་སོང་། ཆར་བ་བབས་བྱུང་།
ང་ཆར་བའི་ཐོག་ནས་ལངས་ཏེ་ཁྱོད་ལ་འཕྲིན་ཡིག་བྲིས།
(༣) གྲོང་སྡེ།
གྲོང་སྡེ། འབྲུ་རིགས་སྣ་ལྔ་ལྡན་པའི་ཞིང་གྲོང་ལ།
ངས་བཀོད་སྒྲིག་བྱེད།
ངས་ལག་པས་རེག་པའི་དངོས་པོ་ནི་ཇི་ལྟར་ཉུང་ན་དེ་ལྟར་བཟང་།
ས་སྲོད་ཀྱི་གྲོང་སྡེ་འདི་གཅེས་སྤྲས་བྱེད།
ཆར་ཆུའི་གྲོང་སྡེ་འདི་གཅེས་སྤྲས་བྱེད།
ལེ་དབར་ཁྲི་ལྡན་གྱི་སྤྲིན་མེད་འདི་ངའི་ཡུན་གཏན་གྱི་མྱ་ངན་ཞིག་རེད །
(༤) དགུན་ཁ།
མཚན་སྨག་ཁྲོད་དུ་མེ་ཕུང་ལ་སྙན་ངག་འབྲི །
རྩྭ་ཐང་སྟེང་དུ་ལུག་ལ་སྙན་ངག་འབྲི།
བྱང་རླུང་ཁྲོད་དུ་ལྷོ་རླུང་ལ་སྙན་ངག་འབྲི །
དྲན་གདུང་ཁྲོད་ནས་ཁྱོད་ལ་སྙན་ངག་འབྲི །
(༥) མུན་པ།
མུན་པའི་ཁྲོད་དུ།
ང་ལ་སྡུག་བསྔལ་གསུམ་ཡོད །
ཡུལ་གྱར ། བརྩེ་དུང་། འཚོ་གནས །
ང་ལ་བདེ་སྐྱིད་གསུམ་ཡོད།
སྙན་ངག རྒྱལ་པོའི་གོ་གནས། ཉི་མའོ། །
རྩོམ་གསར། 10