2020-06-19
ཕོ་བྲང་པོ་ཏ་ལ།
མདུང་གི་རྩེ་མོ་ན་འགྱིང་ངེར་གནས་པའི་ཁྲག་གི་
མིག་ཆུ།
པད་མའི་གདན་སྟེང་དུ་ལྷུན་པོར་ཆགས་པའི་དུང་
གི་མེ་ལོང་།
ས་དང་རྡོ་ལས་གྲུབ་པའི་དུས་ཚོད་ཀྱི་རྨ་ཁ་ཞིག་
ཡིན་ན།
ངའི་རུས་རྐང་དུ་ཁྱོད་ཀྱི་རྣག་ཁྲག་ལོས་ཡོད།
མཐོ་སྒང་གི་མེ་ཕུང་ཞིག་ནས།
ང་ལ་སྡུག་བསྔལ་དང་མནར་བཅོས་སྟེར་བྱུང་ཨ།
བར་སྐོར་གྱི་འཁྱམ་པོ།
བར་སྐོར་ནི་འཁྱམ་པོའི་གནས་ཚང་ཡིན།
བར་སྐོར་ནི་ཆུང་འདྲིས་བྱ་རྡོ་ལམ་འཕྲད་ཡིན།
བར་སྐོར་ནི་ར་རོས་མྱོས་པའི་མཚན་མོའི་འོ་དོད་ཡིན།
བར་སྐོར་ནི་སྙིང་གི་ཕྱེད་ཀ་དང་ཚེར་སིལ་གྱི་རྐང་
ལམ་ཡིན།
བར་སྐོར་དུ་གླུ་དང་དབྱངས་ལ་འདྲེས་པའི་འཁྱམ་
པོ་ཡོད།
བར་སྐོར་དུ་ཚོང་འདུས་བུ་མོའི་སྤྱན་གྱི་
གཟིགས་ཕྱོགས་ཡོད།
ང་ནི།
ང་ནི་སུ་ཞིག་གི་དགྲ་བོ་མ་ཡིན།
ང་ནི་སུ་ཞིག་གི་གཤིན་རྗེ་མ་ཡིན།
༼ གངས་འཁྱམ་གསར་བུ། ༽
རྩོམ་གསར། 10