གཡེར་མོ། 2019-12-11
མལ་སའི་ནང་དུ་འཁོར་བའི་རླུང་བུ་བསིལ་མོ།།
མཚན་མོའི་འཁྱག་ལ་འབྱར་བའི་སྨུག་པ་ལང་ལོང་།།
དོ་ནུབ་ཁེར་རྐྱང་ང་ཡི་གམ་དུ་འབྱོར་ན།།
འཚོ་བའི་སྒེའུ་ཁུང་ངོས་སུ་གཞས་ཤིག་བཏང་སྟེ།།
གཞས་དེའི་སྒོ་མོ་གང་དེའི་ཡུལ་ལ་གཏད་ཆོག།
གཙང་བོ་དལ་གྱིས་བཞུར་བའི་བཞུར་སྒྲ་མ་གཏོགས།།
དོ་དགོང་ངེད་ཀྱི་སྒོ་མོ་ཁུ་སིམ་ཡིན་ན།།
དཔག་ཚད་འགའ་ཡི་མཚམས་སུ་རྒྱུ་སྐར་ཟླ་བ།།
རྨི་ལམ་འོད་ལ་འཁྲེང་ནས་དལ་མོར་ཕེབས་དང།།
གཞིས་ཀ་ར་སྐོར་ནང་དུ་མེ་ཏོག་བཞད་ཡོད།།
སྲིད་པའི་རྐང་གཉིས་སྐྱ་བོ་ཀུན་པོ་གཉིད་ནས།།
ལྷིང་འཇགས་བསྟི་བ་བདེ་བའི་མལ་དུ་གནས་ན།།
རྣམ་ཤེས་བན་དུ་གཟུགས་མེད་གྲིབ་མདངས་དམར་པོ།།
གློ་བུར་ཁྱེད་ཀྱི་མལ་སའི་སྔས་མགོར་ཕོག་ཏེ།།
ཉིད་ཀྱི་ལན་བུ་བྱིལ་བྱིལ་བྱས་ནས་བུད་འགྲོ།།
རྩོམ་གསར། 10