ཡེ་ཤེས་འཕྲིན་ལས། 2019-06-26
དེ་ལྟ་བུའི་ངང་མི་རྟག་དང་འཕྲད།
ཨ་མའི་པང་ནས།
མིག་ཆུ་ལྷུང་བའི་གཅེས་ཕྲུག
གང་དུ་མཆིས།
རབ་བེ་རིབ་བེའི་དྲན་པས།
སྣོག་སོང་བའི་བྱིས་སྒྲུང་གང་།
ཨ་ཕའི་རྒྱབ་ནས།
གཉིད་ཁུག་པའི་བུ་ཕྲུག
གང་དུ་གདའ།
མི་རྟག་གིས་གཅུན་པའི།
སྔ་དུས་ཀྱི་རང་བཞིན་གང་།
ཁོ་བོས།
སྐྱབས་འགྲོ་མང་པོ་འདོན་ནས།
མི་རྟག་པ་རྟག་པར་བཅོས་སྙམ།
ཅིའི་ཕྱིར
སྔོན་དུས་ན་རོལ་བའི་འཚོ་བ་སྟེ།
ལྷོད་སེང་སེང་གི་བདེ་སྐྱིད་མྱོང་ན་འདོད།
ཅིའི་ཕྱིར། རྨི་ལམ་ནས་རྨིས་པའི་སྒྱུ་མ་སྟེ། འཇམ་འཇགས་སེ་ཡི་ཁེར་རྐྱང་འཕྲད་ན་སྙམ།
༢༠༡༩.༥.༡༠
རྩོམ་གསར། 10