མིག་གསར་བ། 2019-05-17
ང་ནི་གྲོང་བ་འདི་ཡི་ནང་རོལ་ན།།
སྐྱོ་བ་སྒྱེ་གང་ཁུར་བའི་འབྲོག་ཕྲུག་ཡིན།།
ཁྱོད་ཞལ་མཐོང་བ་མེད་དེ་སྨྲེང་དྲགས་ནས།།
སྙན་ངག་ཆུ་བོ་བཞིན་དུ་བཞུར་སོང་ངོ་།།
ཁྱོད་ནི་དོ་ཞག་བར་སྣང་ཁམས་སུ་འཕྱོ།།
སྤྲིན་གྱི་རྒྱ་མཚོའི་ནང་ན་འཛུམ་ཞིག་བཞད།།
ཉི་མའི་གུར་ཁྱིམ་ནང་ན་དྲོད་ཅིག་བཞག།
ང་ཡི་ནང་སེམས་ལའང་བརྩེ་དུང་བྲིས།།
ཁྱོད་ནི་ང་ཡི་སེམས་ཀྱི་སྙན་ངག་ཡིན།།
ཁྱོད་ཞལ་མཐོང་བ་མེད་པས་སྐྱོ་བཞིན་ཡོད།།
དོ་ཞག་སེམས་པ་ཧ་ཅང་སྨྲེང་དྲགས་ནས།།
འཇིག་རྟེན་འདི་ལ་ཐེངས་རེར་སུན་སྣང་བྱུང་།།
འཁོར་བ་དགའ་སྐྱོ་ཟབ་མོའི་ནང་རོལ་དུ།།
སྐྱོ་བ་ཆང་དང་ལྷན་ཏུ་འཐུང་པའི་ཚེ།།
ང་ཡིས་རྨི་ལམ་གསར་བའི་ལམ་ཞིག་མཐོང་།།
རྩོམ་གསར། 10