སྲོད་རླུང་། 2018-10-19
ཉི་འོད་ཚ་རླབས་ཀྱིས་བསྲེགས་ཏེ་འགྲོ་བའི་སྟོན་ཁ་དེར།
ཁྱེད་ཀྱིས་རང་གི་མིག་མདུན་གྱི་སེར་ཐིག་བབས་པའི་
སྡོང་ལོ་འགའ་བསྒྲུགས་སྟེ།
འདས་དོན་གང་ཞིག་དང་འབྱུང་འགྱུར་ཅི་ཞིག་རྨི་
ལམ་དུ་བསྒོམས་ནས།
རང་ཉིད་ལ་དབང་བའི་ནམ་མཁའ་དེ་སྤྱད་ཆོག
རང་ཉིད་འཆར་བྱེད་ཀྱི་སྟོན་ཁའི་ནམ་ཟླ་འདིས།
དུས་ཚོད་དང་གཙང་བོ་ལ་ལྕགས་ཀྱི་མདུད་པ་རྒྱག་ཆོག
ཁྲུང་ཁྲུང་གི་ཕྱི་མིག་ལམ་དུ།
ཁྱོད་ཀྱིས་རང་གི་ལྷམ་ཆུང་ལ་བདག་པོ་བརྒྱབས་ཏེ།
བསྡུས་གཟུགས་སུ་མངོན་པའི་སྟོན་ཁ་འདིར།
ཡིད་ཚིམ་པའི་གླུ་ཞིག་ལེན་པ་ནི་
རྨི་ལམ་གྱི་ས་བོན་ཡིན།
ཀྱེ་གྲོགས་པོ།
ཚེ་སྲོག་གི་བདེན་པ།
འཁོར་བའི་ཆོས་ཉིད་ཀྱིས་གཏོར་འགྲོ་བར་བསམ་དུས།
ཁྱོད་ཀྱིས་རང་ཉིད་མཚོན་བྱེད་ཀྱི་སྟོན་ཁ་དེ་དྲན་པར་བྱོས།
རྩོམ་གསར། 10