ཁྱུང་གཤོག 2018-07-02
ཉི་འོད་ཀྱི་བཞུར་རྒྱུན་ལས།
ཁྱེད་ཚོ་ནི་དྭངས་གཙང་གི་ཞོགས་པ་དེ་ཡིན།
རྣམ་རིག་ཀྲོང་ཀྲོང་གིས།
མདུན་ཕྱོགས་ཁོ་ནར་འགྲོ་བ་དྲན།
སྐྱིད་ཤོད་ཐང་གི་ཁེར་རྐྱང་གི་ངས།
བྱམས་དུང་གི་དྲོད་ཁོལ་འོག་བཞད་ནས།
དབྱངས་གསལ་གྱི་ཟེའུ་འབྲུ་ཞོ་རྩི་རུ་བསྙལ་བ།
ད་ནི་ཡུན་རིང་སྦྲུམ་པའི་རྨི་ལམ་དུ་འདེབས་དགོས།
ད་ནི་རུས་པའི་གསེང་གི་ན་ཟུག་ལས་བསྐྱེད་དགོས།
དུས་ཚོད་ཀྱི་མཐོང་དུ་མེད་པའི་རླབས་རྒྱུན་ལས།
ཁྱེད་ཚོ་རྒྱང་དུ་འཕུར་རན་སོང་།
ལོ་ཟླའི་གཉེར་རིས་ལ་ཕབ་པའི་འདང་བརྩེ་དག
འཚར་ལོངས་ཀྱི་གོ་རིམ་ལས་བཞད་ཡོང་།
ལང་ཚོའི་གདངས་དབྱངས་ལས་མཆེད་སྲིད།
སྤོབས་པའི་གཤོག་རྡང་དམ་པའི་འགྱུར་ཁུགས་ལས།
དཔའ་གདེང་དང་ཡིད་ཆེས།
འཕུར་བསྐྱོད་ཀྱི་དཔུང་ཡ་རུ་བཞེས་དང་།
ཉི་མ་དང་གངས་རི།
མེ་ཏོག་དང་གཙང་ཆུའི་ཕ་རོལ་ནས།
ཁྱེད་ཚོར་སྐྱ་རེངས་གསར་བ་ཞིག་འཚེར་ངེས་ཡིན།
རྩོམ་གསར། 10