བསྟན་པ་ཆོས་བཟང་། 2018-06-29
གུང་ཁྲན་ཏང་གི་དྲོ་སྐྱིད་འོད་ཟེར་དེ། །
གངས་ལྗོངས་ས་མཐོ་མཛེས་པའི་དབུ་རྩེར་ཕོག །
སྐལ་བཟང་རྫོགས་ལྡན་སྤྱི་ཚོགས་གསར་པའི་ནང་། །
སྲིད་འབྱོར་རིག་གསུམ་དབྱར་མཚོ་བཞིན་དུ་རྒྱས། །
བླ་ན་མེད་པའི་མགོན་སྐྱབས་གུང་ཁྲན་ཏང་། །
འཇིག་རྟེན་འདི་ན་ཉམས་མེད་ལྷུན་པོ་བཞིན། །
གང་གི་འཕྲིན་ལས་ཉིན་བྱེད་སྟོང་ལས་རྒྱས། །
གངས་ཅན་པད་མའི་གེ་སར་རབ་ཏུ་འཕྲོ། །
དུས་རབས་ཉེར་གཅིག་རྟ་བདུན་དབང་པོའི་ཐུགས། །
ཕྱོགས་བཞིའི་སྒོ་མོ་དབྱེ་བའི་མཛད་ཕྱོགས་ཀྱིས། །
སྔར་སོང་མཐོང་མྱོང་མེད་པའི་ལྕགས་ལམ་བསྐྲུན། །
ཕྱི་འབྲེལ་འབྲེལ་བ་འཛུགས་པའི་ལམ་སྟོན་མཛད། །
སྔ་མ་དབུལ་ཞིང་ཕོངས་པའི་གངས་ཅན་ལྗོངས། །
ད་ཆ་གུང་ཁྲན་ཏང་གི་ཁྲིད་སྟོན་འོག །
དཔལ་འབྱོར་ཚན་རྩལ་དར་བའི་ཞིང་སར་གྱུར། །
ལྷ་ཡི་གྲོང་དང་ཁྱད་པར་ཅི་ལ་ཡོད། །
རྩོམ་གསར། 10