སྔ་མོར།དུད་ཚང་ཞིག་གི་མནའ་མ་ལ་རྫོང་ཟོག་མང་པོ་མེད་པས།དུས་རྒྱུན་དུ་དུད་ཚང་དེའི་འཕྱ་འབེབས་དང་ཟུར་ཟ་མྱོང་ཡོད།ཉིན་ཞིག་དེ་ཚང་གི་ཁྱིམ་བདག་མས་ཆོས་ཁང་ནང་ཕྱག་ཕུལ་བཞིན་པའི་སྐབས་མནའ་མའང་ནང་དུ་ཐོན།ཁྱིམ་བདག་མས་ཡང་ཟུར་ཟ་བའི་གླགས་རྙེད་བྱུང་སྙམ་སྟེ།དངུལ་ཀོར་གཅིག་ཀྱང་མེད་པའི་མནའ་མ་བྱ་རོག་མགོ་ལ་སྐྱབས་སུ་མཆིའོ་ཞེས་ཟེར་བཞིན་ཕྱག་འཚལ།མནའ་མས་ཐོས་དུས་བཟོད་གླགས་བྲལ་ནས་ཁྱོད་ཚང་ཡང་སྡུག་པོ་རེད་ཅེས་ཟེར་ཆེད།མཆོད་མེད་དཀར་རྩི་མེད་པའི་ནག་བཞུགས་ལྷ་ལ་སྐྱབས་སུ་མཆིའོ། །གླེགས་ཤིང་གླེགས་ཐག་མེད་པའི་གཡང་ལུགས་འབུམ་ལ་སྐྱབས་སུ་མཆིའོ། །སྤོས་དང་ཡོན་ཆབ་མེད་པའི་སྐྱ་བོ་ལྷ་ལ་སྐྱབས་སུ་མཆིའོ་ཞེས་ཕྱག་འཚལ་བས་ཁྱིམ་བདག་མོ་དེ་ཅི་བཤད་འདི་བཤད་མེད་པའི་རྒྱ་རུ་ལྷུང་སོང་། །