2021-04-08
༼ ཞར་བཀོད་བཞི ༽
གཅིག།
༡ རྣམ་གྲངས་བརྗོད་པའི་རྒྱན།
ཉི་མ་འདྲ་བའི་སློབ་དཔོན་དང་།།
ཟླ་བ་འདྲ་བའི་ཕ་མ།།
སྨིན་དྲུག་འདྲ་བའི་གྲོགས་པོ་དང་།།
ས་དོག་མོའི་སྟེང་གི་ཉེ་གསུམ་རེད།།
༢ ཏེང་ངེ་འཛིན་གྱི་རྒྱན།
སེམས་པ་སྡུག་གི་སྐད་ཆ།།
ལྕེ་རྩེ་བར་ནས་བཤད་པས།།
ངག་སྦྱོར་ལྷོད་ལྷོད་ཡིན་པས།།
སེམས་པ་སྐྱིད་སྐྱིད་མ་བྱུང་།།
༣ སྙིང་རྗེའི་ཉམས་རྒྱན།
ཁ་ཕུ་རོ་ཡི་དོན་དུ།།
ཉིན་མཚན་གཉིས་ཀ་ཁྱད་མེད།
བྲན་གཡོག་ལམ་དུ་རྒྱུགས་ནས།།
མི་ལོ་བཞི་ཙམ་འགོར་སོང་།།
༤ དགོད་བྲོ་བའི་ཉམས་ཀྱི་རྒྱན།
རང་ཉིད་ཆོག་ངན་བལྟ་བར།།
གཞན་ལ་དྲིས་པ་མི་དགོས།།
སྤྱོད་པ་ལས་ཤིག་བྱས་དུས།།
བཟང་ངན་རི་མོ་བཀྲ་འོང་།།
༥ རེ་བ་དང་བཅས་པའི་དགའ་བའི་རྒྱན།
རྒྱང་རིང་སོང་བའི་ང་རང་།།
ཕ་ཡུལ་མི་དྲན་མ་རེད།།
ལས་ཀ་འཚོལ་བའི་དོན་དུ།།
སླེབས་པའི་ཉིན་ཞིག་ཤར་ཡོང་།།
༦ སྐབས་མིན་བསྟོད་པའི་རྒྱན།
མེ་ཏོག་བཞད་པའི་དང་པོ།།
རྩྭ་ཐང་སྟེང་དུ་བཞད་སོང་།།
ང་ནི་རྩྭ་ཐང་དཀྱིལ་དུ།།
བུང་བ་ཡིན་ན་དགའ་བ།།
༧ ཆོས་ཅན་འགོག་པའི་རྒྱན།
བདག་གི་དྲིན་ཆེན་ཕ་མ།།
བྱ་རྒྱ་ཁྱུང་ཆེན་དེ་རེད།།
ཁྱུང་ཆེན་སྒྲོ་སྤོ་མ་གཏོགས།།
ཁྱུང་ཆེན་མཐོང་རྒྱུ་མི་འདུག །
༨ དཔེ་རྒྱན།
རྡོ་རྐོས་རི་མོ་ལྟ་བུའི།།
མ་གཤིས་བརྟན་པོ་བྱུང་ན།།
རུས་སྦལ་སྒོང་ང་ལྟ་བུའི།
བརྩེ་བ་འགྱུར་མེད་ཞུས་ཆོག །
༩ ཟླ་བོ་དངོས་པོའི་དཔེ།
ཁྱོད་ཕ་ཡུལ་ལོག་པའི་ཉིན་མོར།།
ཁྱོད་མ་སླེབས་གསུང་སྐད་སྙན་བྱུང་།།
ཁྱོད་ལེན་པའི་གླུ་དབྱངས་སྙན་མོ།།
སྙན་རྣ་བའི་བུ་རམ་མངར་མངར།།
རྩོམ་གསར། 10