རི་སྤྱང་། 2021-01-18
ཨ་མ་རྒ་བཞིན་འདུག།
འདྲ་པར་ངོས་སུ་ངས་ཨ་མར་
ཡང་ཡང་བལྟས།
སྐབས་དེར་ཨ་མ་ཞེས་
ཡང་ཡང་བོས་པ་ཡིན།
ང་རང་ཨ་མར་འཕྲད་པའི་
དུས་ཚོད་ཤིན་ཏུ་ཉུང་།
སེམས་སུ་ནོངས་འགྱོད་
ཀྱི་ཁུར་བོ་རབ་ཏུ་ལྕི།
ཨ་མ།
ང་རང་ནད་ཀྱིས་མནར་དུས།
ཨ་མའི་མིག་ནང་ནས་
ཕངས་སེམས་མེད་པར།
མིག་ཆུའི་ཐིགས་པ་རེ་རེ་ཤེལ་གྱི་
ཕྲེང་བ་ལྟར་འཐོར་བྱུང་།
དུས་དེར་མགྲིན་པའི་གྲེ་
བ་བརྣངས་ནས།
ངག་རྡབ་རྡོབ་ཅིག་ལས་ཅི་ཡང་
ཁྲོལ་བཞིན་མི་འདུག
ཨ་ཅེ་ཚོས་བཤད་ན།
ཨ་མས་ནམ་རྒྱུན་ང་ཡི་དོན་དག་
མང་པོ་ཞིག་གླེང་བཞིན་འདུག
སྐྱེས་པ་ནས་ད་ལྟའི་བར་དུ་ངས་
ཨ་མར་འདང་རྒྱག་མ་མྱོང་།
ད་ལྟ་ཨ་མ་རྒ་བཞིན་འདུག
དྲིན་ལན་ཇི་ལྟར་འཇལ་དགོས།
རྩོམ་གསར། 10