ཀུན་ཁྱབ། 2020-10-30
ཚིག་ལ་སྙན་ཆ་འཁོར་བའི།།
ན་ཆུང་ཡིད་ཀྱི་རྫི་གླུ།།
རྣ་བར་ལྷུང་ཙམ་བྱས་ཚེ།།
སེམས་པ་ཆང་གིས་སྦངས་འདྲ།།
རྫ་རྩེར་སྨུག་སྤྲིན་དཀྲིས་པའི།།
མཐོན་པོའི་རི་ཁུད་དེ་རུ།།
སྣང་བའི་ཡུ་མོ་ཕྱོགས་ཚེ།།
བྱམས་པ་དགྱེས་ཐབས་མི་འདུག།
སྒོ་དར་རླུང་གིས་སྐྱོད་འདྲའི།།
སེམས་པ་ཁྱེད་ལ་ཕྱོགས་ཚེ།།
ཏིང་འཛིན་ཕུབ་པའི་རི་སུལ།།
རྨི་ལམ་ནང་གི་ཞིང་ཁམས།།
ཟླ་བ་ཕར་ལ་བཞུར་བའི།།
དགུང་སྔོན་དབྱིངས་ཀྱི་འཇའ་རིས།།
སྒེའུ་ཁུང་ངོས་སུ་འཁྱུད་ཚེ།།
ཞེ་ལ་དྲན་པས་བརླན་འདུག།
ཆར་བ་ཟིམ་ཟིམ་འབབ་ཅིང་།།
དར་ལྕོག་ལྷོད་ལྷོད་བསྐྱོད་པའི།།
རྨི་ལམ་མེད་པའི་མཚན་མོར།།
གཅིག་པུར་དབྱངས་ལ་འཁྲེང་འདུག།
སྨྱུ་གུའི་གོམ་ཁ་བསྒྱུར་ཏེ།།
ཚིག་ལ་རྒྱན་ཆ་སྤྲས་ཀྱང་།།
རིན་ཐང་རྟོགས་མཁན་མེད་པས།།
རེ་ཞིག་དབྱིངས་ལ་གཟིམས་ཤིག།
རྩོམ་གསར། 10