ཀ་ཕྲེང་ནོར་བུའི་སྙིང་འདི་ཨ་མ་ཡིན།

ཙ་སུར་སྦྱིན་པ།        2020-08-05

ཨ་མར་ཕུལ་པའི་ཀ་ལའི་ཕྲེང་། །

ཨ་མའི་ཐུགས་ཀྱི་ཁ་ཆེམས་ཡིན། །

ཧ་ལོ་འདྲ་བའི་ག་ཁྲལ་རིགས། །

ཧ་ཧོན་བར་ནས་ང་ལ་གནང་། །

ས་ཆ་གང་གི་ཅ་རིལ་བོ། །

ཤ་ཉེ་བཞིན་དུ་ཆ་ན་བཟང་། །

ལ་ལུང་གང་དུ་ཇ་ཆང་སོགས། །

ར་ལུག་འདྲེས་མའི་ཉ་ཤ་མང་། །

ཡ་ཡོ་མེད་པའི་ཏ་ཀུ་ཡིས། །

འ་འུར་ཟེད་ལོང་ཐ་མག་དང་། །

ཟ་ཧོར་ལ་སོགས་ད་ལྟའི་རྒྱུད། །

ཞྭ་སེར་བསྟན་ལ་ན་ཡང་མཆི། །

ཝ་ཁའི་ཆུ་མོ་པ་སངས་ལྟར། །

ཛ་ལང་སྤྱོད་པ་ཕ་ལྟར་བཟང་། །

ཚ་བའི་དུས་ཀྱི་བ་མོ་ཡང་། །

ཙ་ཙིག་མིན་པར་མ་ལྟར་བྱམས། །

མ་ལུས་འགྲོ་བས་ཙ་རི་སྐོར། །

བ་མོའི་འོ་མས་ཚ་འཇོམས་ཤིང་། །

ཕ་མའི་སེམས་པ་ཛ་དྲག་རུང་། །

པ་ཆར་གོས་ཀྱི་ཝ་ཁུར་ཡོད། །

ན་མོ་ཨ་མར་ཞྭ་བཞིན་བཀུར། །

ད་རེས་རྨི་ལམ་ཟ་ཟི་ཡང་། །

ཐ་མའི་ལུས་ཀྱི་འ་ཅག་ལ། །

ཏ་ཀུའི་ལག་རྟེན་ཡ་རབས་ཡིན། །

ཉ་མོ་འཁྱུག་པའི་ར་བ་ལ། །

ཇ་གསོལ་ཧེབ་ཀྱི་ལ་མོར་རྒྱུག །

ཆ་ཞིང་མཐུན་པའི་ཤ་ཚའི་གཏམ། །

ཅ་ཅོ་མིན་པར་ས་སྟེང་སྒྲོག །

ང་ཡི་སེམས་ཀྱི་ཧ་ལས་པ། །

ག་ནས་བལྟས་ཀྱང་ཨ་མ་ཡིན། །

ཁ་བའི་སེམས་འདི་ཧ་གོ་བ། །

ཀ་མ་ལ་ཡི་ཨ་མ་འོ། །


  • ལེ་ཚན་སྔོན་མ།:དབྱངས་ཀྱི་ཟིལ་བ།
  • ལེ་ཚན་རྗེས་མ།:མི་ཡུལ་འཁྱམས་པོའི་རྒྱང་གླུ།