གྱིན་འདའ་བ། 2020-01-16
དོ་ཞག་དོ་ཚིགས་འདི་ལོ་ཟླ་མཚར་པོ་རེད།།
སེམས་ཁྲལ་མོད་པོ་ཡི་བྱ་གཞག་སྣོལ་མ་རེད།།
མུན་པའི་ཕོན་པོ་ཡིས་རྨི་ལམ་དཀྲོགས་པ་འདི།།
ལྟས་ངན་ལན་ཆགས་ཀྱི་རིམས་པས་གཙེས་པ་ཡིན།།
དགུན་ཟླ་རྒྱལ་མོ་ཡི་གདུག་རྩུབ་ཆེ་བ་འདི།།
བེམ་སྐོགས་བཙའ་བོ་འདི་ཙག་གིས་བཅོམ་དུས་རེད།
ཕྱི་ཡི་གྲང་བ་དག་ནང་དུ་རྒྱུ་བ་འདི།།
ཡིད་ཀྱི་གཏིང་འོབས་སུ་སྨྲེང་བ་འཁོལ་བྱེད་རེད།།
ཞེན་ཆགས་ལྷགས་རླུང་གི་བ་མོའི་རེག་བྱ་འདི།།
དྲན་པའི་རྨ་ཁ་ཡི་དྲན་པ་དཀྲུགས་བྱེད་རེད།།
ལོ་ཟླའི་གཉེར་ཁུད་ཀྱི་ཟླ་བ་བགྲེས་པོ་འདི།།
སེམས་གཅོང་མོད་པོ་ཡི་སྡུག་གི་ཟླ་བཤོལ་ཡིན།།
ལས་ཀྱི་གྲུ་ཁ་ནས་དུང་བ་རྒུམ་པ་འདི།།
སེམས་ཀྱི་གཙང་བོ་ལ་མིག་ཆུ་འཐོར་རོགས་རེད།།
བག་ཆགས་བཙན་པོ་ཡི་བཟི་ཁ་རྒོད་པ་འདི།།
ཞེ་རྩ་སྐྱ་བོ་ཡི་རྣམ་ཤེས་འགུམས་བྱེད་ཡིན།།
དྲན་པའི་ཚོར་བ་ལས་རྔུལ་ཆུ་འཛག་པ་འདི།།
སྙིང་ཆུང་དམར་པོ་འདིའི་དྲོད་ཁོལ་ཡལ་བ་རེད།།
མིག་ཆུ་ཐར་ཐོར་ཞིག་རུམ་དུ་ལྷུང་བ་འདི།།
སྨྲེང་སེམས་ཏུག་རིང་གི་སྙན་ངག་དམར་པོ་ཡིན།།
ཡིག་འབྲི་རྒྱུས་ཡོད་དག་བསྲུངས་ནས་རྫོགས་མེད་འདི།།
དུང་ཞེན་གསོན་པོ་ཡི་རུང་རྐང་འཐོར་བརྡ་ཡིན།།
ཡིད་ཀྱི་འཛུམ་ཤ་དག་རིད་པའི་བཟོ་ལྟ་འདི།།
སུ་དང་གང་ཞིག་ལ་དྲན་པའི་བརྡ་ཡིག་ཡིན།།
རྩོམ་གསར། 10