གཡེར་མོ། 2019-12-23
A
ཉི་ནུབ་ཀྱི་ས་སྲོད་དེའི་ང་རང་ཕར་ལ་བསྐྱལ།
མཚན་མོའི་བྲང་གཞུང་གིས་བདག་སེམས་ལ་ཁ་བ་
འབབ་ཏུ་བཅུག
ཟླ་འདི་དབྱར་གཞུང་ཡིན་ཡང་།
ང་རང་འཁྱག་ཤུར་ཤུར་ཀྱི་ངང་ནས་གནས་མ་བཙལ།
སྙིང་ཉེ་བའི་མི།
B
དཔེ་དེབ་རེའི་གསིང་ནས་ང་རང་ཕྱིར་ལོག་རྗེས།
རྒྱ་ཇ་ཕོར་གང་གི་ངལ་དུབ་བསལ་ནས།
ལྷིང་འཇགས་མིན་པའི་ས་སྲོད་བརྒལ།
མནོ་བསམ་ཞིག་གིས།
ཚར་ལམ་མེ་དང་འཁྱག་སིབ་སིབ་ཀྱིས་ང་ལ་ཚ་འདྲི་བྱས།
C
འོན་ཀྱང་།
སྙིང་ཉེ་བའི་མིའི་མ་འོངས་པ་ཧ་ཅང་ཞིམ་ངེས།
མཐའ་ཡས་པའི་རྩྭ་ཐང་ལ་མིག་ཟུང་ཡང་།
ད་དུང་ཡིད་དུ་འོང་བའི་མེ་ཏོག་གི་མགོ་རྒྱན་ཆ་
གཅིག་བསླས་ཏེ།
ངའི་མིག་ཟུང་གི་རིམ་དུ་བཅུག
D
ངས་ཀྱང་གནས་དེ་རུ།
མེ་ཏོག་དང་བཅས་ལྡུམ་ར་ཞིག་བསྐྲུན་ཆོག་ལ།
ལག་པའི་ངོས་སུ་གངས་རི་ཆུང་ཆུང་ཞིག་འབྲི་ཆོག་ཨང་།
ཚིག་ཇ་ཁམ་གང་རྔུབ་རྗེས། ངས་ཀྱང་དེ་ལྟར་བསམ།
E
འོན་ཀྱང་ཁེར་རྐྱང་གི་མཛེས་སྡུག་སད་ཀྱིས་གམ་ན་
སྙིང་ཉེ་བའི་ཉི་ཟླ་གཉིས་ཅི་འདྲའི་འཁྱག་ཨང་།
དེ་ལྟར་བསམ་རྗེས་ཡིད་སེམས་སྟོང་ལྷང་ལྷང་དུ་གྱུར།
གང་ལྟར་ངས་བརྗེད་མ་མྱོང་བའི་ཁོ་མོའི་མིང་ཡིག་
ཀྱང་འབྲི་དགོས་བྱུང་།
རྩོམ་གསར། 10