མགོ་ལོག་ཉི་མ། 2019-06-14
གསེར་གྱི་སྙིང་པོ་མཆོད་བྱའི་མཛེས་པར་འཁྱུད།།
ང་ཡི་སྣང་བའི་མེ་ལོང་དྭངས་ཤིང་གསལ།།
མཐའ་འགྲམ་འཚོ་བའི་འབྱུང་འགྱུར་སྐྱ་བོ་ལ།།
མ་བཟོད་སྐྱོ་སྐྱོ་གནང་ཡང་ཡིད་རེ་ཆད།།
དུས་ཀྱི་བདག་པོའི་ཟེགས་མ་རེ་རེར་འཕྲོ།།
རྐང་གཉིས་ཀུན་གྱི་གྲོགས་སུ་བྱོན་པ་ལགས།།
ང་ཡི་ཡིད་ཀྱི་ནད་རོ་སེལ་བའི་སྨན།།
སང་ཞོགས་ཟེགས་མ་རེ་བའི་གནས་སུ་བསྐྱལ།།
མི་ཚེ་མི་རྟག་སྐད་ཅིག་ཙམ་གྱི་འགྱུར།།
འཚོ་བའི་སྙིང་བོ་དབེན་པའི་ལས་མ་བྱེད།།
སྐབས་བབ་མེད་པའི་སྐད་ཆ་མ་གནང་རོགས།།
ཁྱོད་ཉིད་ཚེར་མའི་ཕུང་བོ་འགྱུར་བར་སླ།།
གངས་ཀྱི་དཀྱིལ་ནས་མགོ་བོ་ལྷ་ལ་གཏད།།
ལུས་པོའི་ཉམས་ཀྱིས་སྡིག་སྒྲིབ་དག་དགོས་ཟེར།།
ང་ཡི་དད་འདུན་གཅིག་པའི་གངས་རི་བ།།
རྩམ་དྲི་མ་ཡལ་ངང་ནས་བཞུགས་རོགས་མཛོད།།
རྩོམ་གསར། 10