ཚུལ་ཁྲིམས་ལེགས་བཤད། 2019-01-28
ཞོགས་ཀའི་སྤྲིན་དམར་གྱི་ཆུན་པོ།།
མཐོན་པོའི་མཐིང་ག་ནས་ཡལ་ཤུལ།།
འོད་ཞགས་ཉི་གཞོན་གྱི་ཕུང་པོས།།
དྲོད་ཀྱི་བདེ་ཁོལ་དེ་སྦྱིན་པ།།
མགོན་པོའི་མགྲིན་པ་ཡི་གཤོག་པ།།
ཡངས་བའི་ས་ཆེན་དུ་དཔྱངས་ན།།
ཤེས་བྱའི་བང་རིམ་དེ་རྔམ་ཡང་།།
མདའ་སྒྲོ་ལེབ་མོ་ཡི་འོག་རེད།།
བྱམས་བརྩེ་ཆུ་འཛིན་གྱི་ཕོན་པོ།།
ཁྱེད་ཀྱི་ནམ་མཁའ་རུ་འཐིབ་ཚེ།།
དྲང་གདུང་མིག་ཆུ་རུ་ཟག་ཀྱང་།།
ཡ་ཁོག་སྙིང་ཆུང་འདི་སྐྱིད་པ།།
ན་ནིང་དབྱར་གཞུང་གི་མེ་ཏོག།
ཤར་རླུང་སེར་བུ་ཡིས་གཏོར་རུང་།།
རང་བྱུང་དུས་བཞི་ཡི་ལྷ་མོས།།
མེ་ཏོག་མཛེས་པོ་ཞིག་སྐྱེས་སོ།།
གཟུགས་སྐུ་བྱང་ཆུབ་ཀྱི་ལྗོན་པར།།
འདབ་འབྲས་ལོ་མ་ཡི་ལེབ་མོ།།
སེམས་ཀྱི་ཟབ་ས་ལ་སྨིན་པས།།
ཡིད་ཀྱི་ཞིང་ས་ནས་མི་འདོར།།
མུན་རྡུལ་ས་ཞིང་ལ་འཚུབ་ནས།།
རླུང་བུ་གང་ས་རུ་ལྡང་ཡང་།།
འོད་ཐིག་གངས་སྣེ་ལ་འཁྱུད་པའི།།
མར་མེ་རྐང་གཅིག་དེ་འབར་བ།།
རྩོམ་གསར། 10