ཞིང་ཕྲུག་སྨྱོན་པ། 2018-04-16
བློ་ལ་ཉི་ཟླ་བཞིན་འཆར་བྱུང་།
སེམས་ལ་སྒྲོན་མེ་བཞིན་གསལ་བྱུང་།
ཁྲ་རིལ་རིལ་གྱི་མིག་ཟུང་འདི།
གློ་རྒྱུ་མའི་བར་ནས་སྙིང་ལ་སིམ་སོང་།
གཅེས་ཕྲུག་ལོ་ལོ།
མིག་ཟུང་ཕ་ང་ལ་ཕྱོགས་ཚུལ་འདི།
བུ་མོས་བདག་ལ་གནང་བའི་ལེགས་སྐྱེས་འདི་ཡིན་ན།
བདག་གི་སེམས་པ་ན་བརྐོས་པའི་མིག་ཟུང་།
བདག་གིས་མི་ཚེ་ནས་མི་ཚེར་བཏབ་པའི་སྙིང་གཏམ།
སེམས་དང་སེམས་པ་འགྲན་པའི་སྐྱོ་གདུང་ཡོད་ཚད།
མིག་ཟུང་འདིར་བཅོལ་ཡོད།
བདག་གི་མིག་འབྲས་བཞིན་གཅེས་པའི་བུ་མོ།
ཉིན་མོ་སེམས་ལ་ཟུག་པའི་མིག་ཟུང་།
མཚན་མོ་རྨི་ལམ་དུ་འཁོར་བའི་མིག་ཟུང་།
གྲུང་གྲུང་རིལ་རིལ་གྱི་མིག་ཟུང་།
ཉིན་མཚན་དུ་འཁོར་བའི་དྲན་གདུང་།
རྨི་ལམ་དུ་སིམ་པའི་སྙན་ངག
ཞོགས་པ་ལངས་དུས།
དགོང་མོ་ཉལ་དུས།
མིག་ཟུང་དྭངས་མ་འདི།
བདག་གི་སེམས་པའི་ཞེན་ཆགས་འདི་ཡིན་ལ།
འཚོ་བའི་རེ་བ་འདི་ཡང་ཡིན།
རྩོམ་གསར། 10