ཞེ་གཅིག  ལམ་ལུགས་ནང་རྐྱེན་གསར་སྐྲུན་བྱེད་དགོས།  ཁྱོན་ཡོངས་ནས་བཅོས་བསྒྱུར་ཁག་ལ་སྐུལ་འདེད་གཏོང་ཞིང་།གཙོ་གནད་ཐུན་མོང་གི་ནགས་ཚལ་བདག་དབང་ལམ་ལུགས་དང་ཞིང་སྡེའི་ས་ཞིང་ངེས་མེད་བཤུག་སྤྲོད་ལམ་ལུགས།སྨན་བཅོས་འཕྲོད་བསྟེན་ལམ་ལུགས།རིག་གནས་ལམ་ལུགས་བཅས་ཀྱི་བཅོས་བསྒྱུར་ཇེ་ཟབ་ཏུ་གཏོང་དགོས།
ཞེ་གཉིས།ཕྱི་ཕྱོགས་སུ་སྒོ་ཕྱེ་རྒྱ་ཆེ་རུ་གཏོང་དགོས།ཚོང་འགུགས་དངུལ་འདྲེན་གྱི་དཔེ་དབྱིབས་དང་ནང་རྐྱེན་གསར་སྐྲུན་བྱས་ནས་རྒྱལ་ཁབ་ཕྱི་ནང་གི་ཁེ་ལས་གྲགས་ཅན་དང་ཚོང་པ་ཆེན་པོ་ནང་འགུགས་བྱ་རྒྱུར་ཤུགས་རྒྱག་པ་དང་།རྒྱལ་ཁབ་ཕྱི་ནང་གི་ཚོང་ར་གཉིས་དང་ཐོན་ཁུངས་རིགས་གཉིས་བེད་སྤྱོད་གང་ལེགས་བྱས་ནས་ཐོན་ཁུངས་མཐུན་རྐྱེན་དེ་དཔལ་འབྱོར་མཐུན་རྐྱེན་དུ་མགྱོགས་སུ་སྒྱུར་དགོས།
ཞེ་གསུམ།ཁྲིམས་སྐྱོང་སྲིད་གཞུང་དང་ཞབས་ཞུ་ཅན་གྱི་སྲིད་གཞུང་འཛུགས་སྐྱོང་བྱ་རྒྱུར་སྐུལ་སྤེལ་གཏོང་དགོས།   སྲིད་གཞུང་གི་འགན་ནུས་སྔར་ལས་ལྷག་པར་བསྒྱུར་ནས་དབང་དང་འགན་གཅིག་མཐུན་ཞིང་།ལས་བགོ་ཚད་མཐུན་།ཚན་རིག་དང་མཐུན་པའི་ཐབས་ཇུས་འགོད་པ།ལག་བསྟར་བདེ་བརླག་དང་ལྟ་སྐུལ་ནུས་ལྡན་བཅས་ཀྱི་སྲིད་འཛིན་དོ་དམ་མ་ལག་ཞིག་གྲུབ་པ་བྱེད་དགོས།
བཅུ་གཅིག་པ།དམངས་གཙོ་ཆབ་སྲིད་འཛུགས་སྤེལ་ལ་ཤུགས་བརྒྱབ་ནས་སྤྱི་ཚོགས་འཆམ་མཐུན་བརྟན་བརླིང་ཡོང་བར་སྐུལ་སྤེལ་གཏོང་དགོས།
ཐོག་མཐའ་བར་གསུམ་དུ་ཕྱོགས་གཉིས་ནས་འཛིན་པ་དང་ཕྱོགས་གཉིས་ཀར་དམ་འཛིན་བྱེད་པའི་བྱེད་ཕྱོགས་རྒྱུན་འཁྱོངས་བྱས་ནས་དམངས་གཙོ་ཆབ་སྲིད་འཛུགས་སྐྲུན་ལ་ཤུགས་སྣོན་རྒྱག་ཅིང་།སྤྱི་ཚོགས་བརྟན་བརླིང་འཆམ་མཐུན་ལ་སྐུལ་འདེད་བཏང་ནས་མཆོང་བརྒལ་འཕེལ་རྒྱས་གཏོང་རྒྱུར་འཆམ་མཐུན་གྱི་ཆབ་སྲིད་ཁོར་ཡུག་ཞིག་བསྐྲུན་དགོས།
ཞེ་བཞི། སྤྱི་ཚོགས་རིང་ལུགས་ཀྱི་དམངས་གཙོ་ཆབ་སྲིད་འཛུགས་སྐྱོང་ལ་ཤུགས་སྣོན་རྒྱག་དགོས། སྲ་བརྟན་འགྱུར་མེད་ཀྱིས་མི་རིགས་ས་ཁོངས་རང་སྐྱོང་ལམ་ལུགས་ལག་བསྟར་བྱས་ནས་ཏང་གི་འགོ་ཁྲིད་རྒྱུན་འཁྱོངས་དང་མི་དམངས་རང་ཁྱིམ་རང་བདག།བཅའ་ཁྲིམས་ལྟར་རྒྱལ་ཁབ་སྐྱོང་བ་བཅས་གཅིག་གྱུར་དམ་ཚགས་བྱས་ནས་རྒྱུན་ཆད་མེད་པར་སྤྱི་ཚོགས་རིང་ལུགས་ཀྱི་དམངས་གཙོ་ཆབ་སྲིད་ལམ་ལུགས་ཅན་དང་ཚད་ལྡན་ཅན།གོ་རིམ་ཅན་བཅས་ཀྱི་འཛུགས་སྐྲུན་ལ་སྐུལ་འདེད་གཏོང་ཞིང་།རྒྱལ་གཅེས་འཐབ་ཕྱོགས་གཅིག་གྱུར་སྲ་བརྟན་དང་སྟོབས་ཆེ་རུ་བཏང་ནས་སྟོབས་ཤུགས་མཐའ་དག་མཐུན་སྒྲིལ་བྱས་ནས་མཉམ་དུ་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཀྱི་རླབས་ཆེན་བྱ་གཞག་ལ་ཤུགས་རྒྱག་དགོས།
ཞེ་ལྔ།ཁ་བྲལ་ལ་ངོ་རྒོལ་བྱེད་པའི་འཐབ་རྩོད་བྱ་རྒྱུ་རྒྱུན་འཁྱོངས་བྱ་དགོས།སྤྱི་ཚོགས་ཡོངས་སུ་མི་རིགས་ཁ་བྲལ་ལ་ངོ་རྒོལ་གཏོང་བ་དང་མེས་རྒྱས་གཅིག་གྱུར་ལ་སྲུང་སྐྱོང་བྱེད་པའི་སློབ་གསོ་བྱེད་སྒོ་རྒྱུན་སྲིང་ངང་ཟབ་ཏུ་སྤེལ་དགོས།ཁྲིམས་ལྟར་རིགས་སྣ་ཚོགས་ཀྱི་མི་རིགས་ཁ་བྲལ་དང་དྲག་པོ་འཇིགས་སྐུལ་བྱེད་སྒོར་རྡུང་རྡེག་དྲག་པོ་བཏང་ནས་ཁ་བྲལ་ཕྱོགས་ཁག་གི་རྩ་འཛུགས་གཏན་ནས་ཆགས་མི་འཇུག་པ་དང་ཁ་བྲལ་གཏོར་བཤིག་བྱེད་སྒོ་དེ་འཕེལ་འགོ་ཚུགས་མི་ཐུབ་པ་བྱས་ནས་དྲག་ཤུགས་མི་སྤྱོད་ཅིང་གཞོགས་འདེགས་མི་བྱེད་པའི་གཏོར་བཤིག་བྱེད་སྒོ་ནན་འགོག་དང་དེར་རྡུང་རྡེག་དྲག་པོ་གཏོང་དགོས།
ཞེ་དྲུག  སྤྱི་ཚོགས་བདེ་འཇགས་བཅོས་སྐྱོང་ལས་ཀར་ཤུགས་རྒྱག་དགོས། སྤྱི་ཚོགས་བདེ་འཇགས་ཐད་ལ་ཕྱོགས་བསྡུས་བཅོས་སྐྱོང་བྱ་རྒྱུར་ཤུགས་སྣོན་བརྒྱབ་ནས་སྤྱི་ཚོགས་བདེ་འཇགས་སྔོན་འགོག་དང་ཚོད་འཛིན་མ་ལག་འཐུས་སྒོ་ཚང་དུ་བཏང་ནས་བདེ་འཇགས་ཀྱི་དཀར་མཛེས་ཁུལ་ཞིག་གསར་འཛུགས་བྱེད་སྒོ་ཏན་ཏིག་སྤེལ་དགོས།
ཞེ་བདུན།སྤྱི་ཚོགས་ཀྱི་འགལ་བའི་རྩོད་གླེང་སེལ་རྒྱུར་ཤུགས་རྒྱག་དགོས།སྤྱི་ཚོགས་དབྱིབས་འགྱུར་སྐབས་ཀྱི་གཏིང་རིམ་གྱི་གནད་དོན་ལ་དབྱེ་ཞིབ་ཟབ་མོ་བྱས་ནས་ཧུར་ཐག་གིས་རིགས་སོ་སོའི་སྤྱི་ཚོགས་ཀྱི་འགལ་བའི་རྩོད་གླེང་ལ་ཁ་གཏད་འཇལ་དགོས།
ཞེ་བརྒྱད།ཁྲིམས་ལྟར་ཆོས་ལུགས་ལས་དོན་དོ་དམ་ལ་ཤུགས་སྣོན་རྒྱག་དགོས། ཁྱོན་ཡོངས་སུ་ཏང་གི་ཆོས་དད་རང་མོས་ཀྱི་སྲིད་ཇུས་ལག་ལེན་མཐར་ཕྱིན་པར་བྱེད་པ་དང་ཁྲིམས་ལྟར་ཆོས་ལུགས་ལས་དོན་དོ་དམ་ལ་ཤུགས་རྒྱག་ཅིང་།རང་ཚུགས་དང་རང་བདག རང་གཉེར་བཅས་ཀྱི་རྩ་དོན་རྒྱུན་འཁྱོངས་བྱས་ནས་ཧུར་ཐག་གིས་ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཕྲོད་པ་བྱ་རྒྱུར་ཁྲིད་སྟོན་བྱེད་དགོས།བོད་བརྒྱུད་ནང་བསྟན་ཆོས་ལུགས་དགོན་པའི་ཕན་ཡུན་རིང་བའི་དོ་དམ་ལམ་ལུགས་བཙུགས་ཞིང་འཐུས་སྒོ་ཚང་དུ་བཏང་ནས་དགོན་པའི་ཚད་ལྡན་དོ་དམ་བྱ་རྒྱུར་སྐུལ་འདེད་གཏོང་དགོས།གཞི་རྩའི་ཐོག་ནས་ཐག་གཅོད་བྱེད་དགོས་པ་གསུམ་གྱི་འདུ་ཤེས་འཛིན་རྒྱུ་རྒྱུན་འཁྱོངས་བྱས་ནས་དགོན་པ་དེ་སྤྱི་ཚོགས་དོ་དམ་མ་ལག་ནང་བཞག་ནས་དགོན་པའི་སྤྱི་པའི་ཞབས་ཞུའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་ཅིང་།དོ་དམ་དང་ཞབས་ཞུ་གཉིས་ཀ་དམིགས་ཚད་ཐོག་སླེབས་པ་བྱ་རྒྱུར་སྐུལ་འདེད་གཏོང་ཞིང་།ཆོས་ལུགས་ལས་རིགས་ཀྱི་མི་སྣར་མཐུན་སྒྲིལ་དང་སློབ་གསོ།ཁྲིད་སྟོན་བྱས་ནས་རྒྱལ་གཅེས་ཁྲིམས་སྲུང་དང་མཐུན་སྒྲིལ་འཆམ་མཐུན།འཕེལ་རྒྱས་ཡར་ཐོན་བཅས་ཀྱི་དགེ་བའི་བྱ་བ་དང་དོན་བཟང་སྒྲུབ་དགོས།
བཅུ་གཉིས་པ།ཏང་གི་འཛུགས་སྐྲུན་ལ་ཤུགས་སྣོན་བརྒྱབ་ནས་འགོ་ཁྲིད་ཀྱི་མཆོང་བརྒལ་འཕེལ་རྒྱས་གཏོང་བའི་ནུས་པ་རྒྱུད་ཆད་མེད་པར་མཐོར་འདེགས་གཏོང་དགོས།
ཏང་གི་འགོ་ཁྲིད་ལ་ཤུགས་སྣོན་དང་ལེགས་སུ་གཏོང་རྒྱུ་དེ་ནི་ལོ་ལྔའི་འཆར་གཞི་བཅུ་གཉིས་པའི་སྐབས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་འབེན་མངོན་འགྱུར་བྱུང་བའི་རྩ་བའི་འགན་སྲུང་ཡིན་པས།ངེས་པར་དུ་ཏང་གི་སྲིད་འཛིན་ནུས་པ་དང་སྔོན་ཐོན་རང་བཞིན་གྱི་འཛུགས་སྐྲུན་ལ་ཤུགས་སྣོན་བརྒྱབ་ནས་ཏང་གིས་དཔལ་འབྱོར་དང་སྤྱི་ཚོགས་མཆོང་བརྒལ་འཕེལ་རྒྱས་ཡོང་བར་འགོ་ཁྲིད་བྱ་རྒྱུའི་ནུས་པ་དང་ཆུ་ཚད་རྒྱུད་ཆད་མེད་པར་མཐོ་རུ་གཏོང་དགོས།
ཞེ་དགུ  འགོ་ཁྲིད་ཚན་ཁག་དང་ལས་བྱེད་པའི་དཔུང་སྡེའི་འཛུགས་སྐྲུན་ལ་ཤུགས་སྣོན་རྒྱག་དགོས།
ལྔ་བཅུ།གཞི་རིམ་གྱི་རྩ་འཛུགས་འཛུགས་སྐྲུན་ལ་ཤུགས་སྣོན་རྒྱག་དགོས།
ང་གཅིག  ལས་བྱེད་པའི་ཀུན་སྤྱོད་འཛུགས་སྐྲུན་ལ་ཤུགས་སྣོན་རྒྱག་དགོས།
ང་གཉིས། ཏང་སྲོལ་སྲིད་གཙང་འཛུགས་སྐྲུན་ལ་ཤུགས་སྣོན་རྒྱག་དགོས།
ང་ཚོས་ངེས་པར་དུ་བློ་མཐུན་ཧུའུ་ཅིན་ཐའོ་ཡིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་གི་མཐའ་འཁོར་དུ་དེ་བས་མཐུན་སྒྲིལ་དམ་ཟབ་བྱས་ནས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་བསྒྲེངས་ཤིང་།ནན་ཏན་གྱིས་ཏང་གི་ཚོགས་ཆེན་བཅུ་བདུན་པ་དང་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་སྙིང་དོན་དོན་འཁྱོལ་མཐར་ཕྱིན་པ་བྱས་ནས་ཁུལ་ཡོངས་ཀྱི་མི་རིགས་ཁག་གི་མི་དམངས་མཐུན་སྒྲིལ་དང་སྣེ་ཁྲིད་དེ་སྙིང་སྟོབས་ཆེར་སྐྱེད་དང་རྡོག་རྩ་གཅིག་སྒྲིལ།ཧུར་བརྩོན་རྒྱབ་སྐྱོར།བློ་བརྟན་འགྱུར་མེད་ཀྱིས་འབད་བརྩོན།གསར་གཏོད་མཐུན་སྤེལ།ཞུམ་མེད་མདུན་སྐྱོད་བཅས་བྱས་ནས་ལོ་ལྔའི་འཆར་གཞི་བཅུ་གཉིས་པའི་འཕེལ་རྒྱས་ཀྱི་རླབས་ཆེན་དམིགས་འབེན་མངོན་འགྱུར་ཡོང་བ་དང་ཁུལ་ཡོངས་ཀྱི་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཡོང་བར་སྐུལ་འདེད་ཧུར་ཐག་འབད་བརྩོན་བྱེད་དགོས།