2010ལོའི་ཚུན་ལ། པེ་ཅིན་གྲོང་ཁྱེར་གྱི་གྲོང་ཁྱེར་དང་ལམ་ཟམ་འཛུགས་སྐྲུན་སྡེ་ཚོགས་ཀུང་ཟི་དང་ཀུང་ཟི་བཞི་བ། ཞིན་ཧྲི་ཀུང་ཟི་སོགས་ཀྱིས་ལོ་གཉིས་ལྷག་གི་རིང་ལ། མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་སྐྱེ་རྒུ་གྲོང་བརྡལ་གྱི་སྤྱི་ལེ་བཅུ་ལྷག་གི་སོལ་རླངས་སྦུག་ལམ་འཐེན་པའི་ལས་འགན་ཡོངས་འགྲུབ་བྱས་པ་མ་ཟད། ས་ཁུལ་གསར་བ་དང་སློབ་གྲྭ། སྨན་ཁང་སོགས་དང་འབྲེལ་མཐུད་བྱེད་པའི་བྱ་བ་ཡོངས་འགྲུབ་བྱས། སོལ་རླངས་སྦུག་ལམ་ལ་ཚོད་ལྟ་ཚད་ལེན་ཐོབ་པ་དེ་ནི་སྐྱེ་རྒུ་གྲོང་བརྡལ་གྱི་སོལ་རླངས་སྦུག་ལམ་བཟོ་སྐྲུན་ཚང་མ་ཡོངས་འགྲུབ་བྱས་པ་མཚོན་པ་མ་ཟད་བཀོལ་སྤྱོད་བྱེད་མགོ་བརྩམས། གསར་དུ་ལས་པའི་སོལ་རླངས་སྦུག་ལམ་དྲ་རྒྱ་དེ་སྐྱེ་རྒུ་གྲོང་བརྡལ་གྱི་མི་འབུམ་གཅིག་དང་ཁྲི་ལྔ་ལྷག་གིས་བཀོལ་སྤྱོད་བྱེད་ཆོག་པ་དང་། དེས་ལོ་གསུམ་རིང་གི་རོགས་སྐྲུན་བྱ་བ་མངོན་འགྱུར་བྱས་ནས། ལོ་ངོ་ཉི་ཤུའི་རིང་གི་དམིགས་འབེན་ལས་བརྒལ། །