ཟླ10བའི་ཚེས2ཉིན།  ཀྲུང་གོ་གློག་འཕྲིན་མ་རྐང་ཚད་ཡོད་ཀུང་ཟི་ཡུན་ནན་ཡན་ལག་ཀུང་ཟིས་བཀོད་སྒྲིག་བྱས་འོག  ཡུན་ནན་མི་རིགས་སློབ་འབྲིང་ནས་ཐོན་པའི་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་གི་དབུལ་ཕོངས་ས་ཁུལ་གྱི་སློབ་མ10ལྷག་ཁོན་མིན་གྲོང་ཁྱེར་གནམ་གྲུ་ཐང་གསར་བའི་འཛུགས་སྐྲུན་བཀོད་འདོན་པུའུ་ལ་ལྟ་སྐོར་བྱས་ཤིང་།  ཁོན་མིན་གྲོང་ཁྱེར་གྱི་འཕོ་འགྱུར་ལ་ཉམས་སུ་མྱོང་བ་བཅས་དོན་སྙིང་ལྡན་པའི་རྒྱལ་སྟོན་དུས་ཆེན་ཞིག་རོལ་བ་རེད། 

 བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་དབུལ་ཕོངས་ས་ཁུལ་གྱི་སློབ་མ་དཀའ་ཁག་ཅན་ལ་རོགས་འདེགས་བྱེད་ཆེད།  ཀྲུང་གོ་གློག་འཕྲིན་མ་རྐང་ཚད་ཡོད་ཀུང་ཟི་ཡུན་ནན་ཡན་ལག་ཀུང་ཟིས་བདེ་ཆེན་རྫོང་གི་ཞིང་སྡེ་གཉིས་སུ་སྒོར་ཁྲི10ཡི་དབུལ་སྐྱོར་སློབ་རོགས་ཆེད་སྤྱོད་མ་དངུལ་བཙུགས་པ་མ་ཟད།  ཡུན་ནན་ཞིང་ཆེན་མི་རིགས་སློབ་འབྲིང་དང་དབུལ་སྐྱོར་གན་རྒྱ་བཞག་སྟེ2008ལོ་ནས་བཟུང་།  ལོ་རེར་སློབ་ཆུང་འགྲིམ་བཞིན་པའི་ཕུལ་བྱུང་བོད་རིགས་སློབ་མ4ཁོན་མིན་གྲོང་ཁྱེར་གྱི་སློབ་འབྲིང་དུ་རིན་མི་དགོས་པར་སློབ་གྲྭ་འགྲིམ་པར་རོགས་སྐྱོར་བྱས་པ་དང་།  “སློབ་གསོའི་རོགས་སྐྱོར”གྱི་བྱེད་ཐབས་འདིས་ས་དེའི་སློབ་གྲྭ་འགྲིམ་རན་པའི་བྱིས་པ་སློབ་གྲྭ་ཞུགས་ཚད98％ཡན་ལ་ཟིན་པ་མ་ཟད།  དབུལ་ཕོངས་ས་ཁུལ་ནས་ཐོན་པའི་བོད་རིགས་སློབ་མ80ཁོན་མིན་གྲོང་ཁྱེར་དུ་སློབ་གྲྭ་འགྲིམ་པའི་མཐུན་རྐྱེན་སྐྲུན།