ཡུས་ཧྲུའུ་བོད་རིགས་རང་སྐྱོང་ཁུལ་ལྟ་ཞིབ་གཞུང་སྒྲུབ་ཁང་གིས་གནོད་འཚེའི་རྗེས་ཀྱི་བསྐྱར་འཛུགས་བྱ་བ་སྣ་ཚོགས་ལ་ལྟ་ཞིབ་བྱས་པ།
བདེ་སྐྱིད་འཚོ། མཚོ་སྔོན་བོད་སྐད་རླུང་འཕྲིན། 2011-05-16
ཚེས་བཅུ་གསུམ་ཉིན་ནས་བཟུང་སྟེ། ཡུས་ཧྲུའུ་བོད་རིགས་རང་སྐྱོང་ཁུལ་གནོད་འཚེའི་རྗེས་ཀྱི་བསྐྱར་འཛུགས་ལྟ་ཞིབ་བྱ་བའི་མགོ་ཁྲིད་ཚན་ཆུང་གིས་ལྟ་ཞིབ་ཚན་ཁག་བཙུགས་ནས། ཉིན་བཅུ་གཉིས་རིང་ལ་ཡུས་ཧྲུའུ་ཁུལ་གྱི་རྫོང་ཏང་ཨུ་དང་རྫོང་མི་དམངས་སྲིད་གཞུང་གི་གནོད་འཚེའི་རྗེས་ཀྱི་བསྐྱར་འཛུགས་བྱ་བ་སྣ་ཚོགས་དངོས་འབེབས་བྱས་པའི་བྱ་བའི་ཕན་འབྲས་ལ་ལྟ་ཞིབ་བྱས།
རྒྱུས་ལོན་བྱུང་བ་ལྟར་ན། ལྟ་ཞིབ་ཚན་ཁག་ཐོན་སྐྱེད་ཁེ་ལས་དང་། རོང་འབྲོག་པའི་སྡོད་ཁང་ལས་སའི་ཡུལ་དངོས། ཞང་དང་གྲོང་བརྡལ། རྫོང་ཐད་གཏོགས་ལས་ཁུངས་བཅས་སུ་སོང་ནས་བྱ་བའི་འཕེལ་རིམ་ལ་རྒྱུས་ལོན་བྱས་པ་དང་། གནས་པའི་གནད་དོན་ལ་ཞིབ་བཤེར་བྱས་ཤིང་། ཡུལ་དངོས་ནས་བསམ་འཆར་གྲོས་གཞི་བཏོན་པ་དང་དཔྱད་གཞིའི་ཡིག་རིགས་ལ་བལྟས། དེ་མིན་ད་རུང་ལས་བྱེད་པ་ལས་གནས་སུ་ཡོད་མེད་དང་བསྐྱར་འཛུགས་བྱ་བའི་སྲིད་ཇུས་དྲིལ་སྒྲོག་སོགས་སྤེལ་བའི་གནས་ཚུལ་ལ་ཞིབ་བཤེར་བྱས་པར་མ་ཟད་བཞུགས་མོལ་ཚོགས་འདུ་བསྡུས་ཤིང་། རྫོང་ཏང་ཨུ་དང་། རྫོང་སྲིད་གཞུང་གི་བྱ་བའི་ཡར་ཞུར་ཉན་པ་དང་བྱ་བའི་ཐད་རེ་བ་བཏོན།