མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་གྱིས་ཉེ་ལམ་ཆེད་དོན་གྲོས་ཚོགས་བསྡུས་ཏེ། སྐྱེ་རྒུ་གྲོང་བརྡལ་གྱི་སྡོད་ཁང་དང་ཚོང་ཁང་འཛུགས་སྐྲུན་བྱ་བར་ཞིབ་འཇུག་བྱས། ཚོགས་ཐོག་ནས་སྡོད་ཁང་འཛུགས་སྐྲུན་བྱེད་སྐབས་ས་ཞིང་བཀོལ་སྤྱོད་ལེགས་པོ་བྱས་ནས་གྲོང་ཁྱེར་གྱི་མཚན་སྙན་ཇེ་མཐོར་བའི་རྩ་དོན་ལྟར། ཟླ་ལྔ་བའི་ཟླ་དཀྱིལ་ལ་སྡོད་ཁང་སྐོར་ཞིག་འཛུགས་སྐྲུན་བྱེད་པར་འཆར་འགོད་དང་ཇུས་འགོད་བྱེད་དགོས་པ་དང་ཟླ་སྨད་ལ་ལས་གཞི་དེ་དག་ལག་བསྟར་བྱེད་མགོ་རྩོམ་དགོས་པའི་རེ་བ་བཏོན།