ཡུས་ཧྲུའུ་ཁུལ་གྱི་འདེབས་འཛུགས་ཁྱིམ་ཚང་གི་དགོས་མཁོ་དང་དྲོད་ཁང་གི་ལོ་ཏོག་སྐྱེ་འཕེལ་གྱི་དགོས་མཁོ་ལྟར། ལག་རྩལ་མི་སྣས་ནམ་ཟླ་ཚད་ལེན་འཕྲུལ་ཆས་སྒྲིག་སྦྱོར་བྱས་པ་དང་། ཚད་ལེན་འཕྲུལ་ཆས་དེས་དྲོད་ཁང་གི་དྲོད་ཚད་དང་བརླན་ཚད་འཇལ་ཐུབ་པར་མ་ཟད། ད་དུང་ས་ངོས་ཀྱི་དྲོད་ཚད་དང་སའི་ནང་གི་དྲོད་ཚད་སོགས་འཇལ་ནས་འདེབས་འཛུགས་ཁྱིམ་ཚང་ལ་དུས་ཐོག་ཏུ་ནམ་ཟླའི་རྒྱུ་ཆ་འདོན་སྤྲོད་བྱེད་ཐུབ་པས་དེས་འདེབས་འཛུགས་ལས་རིགས་ཀྱི་ཕན་ནུས་ཇེ་མཐོར་གཏོང་ཐུབ།