ཟླ་བཅུ་གཉིས་པའི་ཚེས་བདུན་ཉིན། ཡུས་ཧྲུའུ་ཡི་ས་འགུལ་འགོག་པ་དང་གནོད་འཚེ་སེལ་བའི་མ་དངུལ་དང་དངོས་རྫས་ལ་ལྟ་རྟོག་ཞིབ་བཤེར་བྱེད་པའི་མགོ་ཁྲིད་ཚན་ཆུང་གིས་ལོ་གཅིག་གི་སྤྱི་བསྡོམས་ཚོགས་འདུ་བསྡུས། མཚོ་སྔོན་ཞིང་ཆེན་ཏང་ཨུའི་རྒྱུན་ལས་ཨུ་ཡོན། མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ཚན་ཆུང་གི་ཚན་གཙོ་རིན་ཆིན་རྒྱལ་གྲོས་ཚོགས་སུ་ཞུགས་པ་མ་ཟད་གཏམ་བཤད།ཧྲིན་ཀྲང་གཞོན་པ། མཚོ་སྔོན་ཞིང་ཆེན་ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་བསྐྱར་འཛུགས་ཡུལ་དངོས་བཀོད་འདོམས་པུའུ་ཡི་བཀོད་འདོམས་པ་མཱ་ཧྲོན་ཆིན་དང་།ཧྲིན་ཀྲང་གཞོན་པ། མཚོ་སྔོན་ཞིང་ཆེན་ཡུས་ཧྲུའུ་ས་འགུལ་གནོད་འཚེའི་རྗེས་ཀྱི་བསྐྱར་འཛུགས་ཡུལ་དངོས་བཀོད་འདོམས་པུའུ་ཡི་བཀོད་འདོམས་པ་གཞོན་པ་དང་པོ་ཀྲང་ཅན་མེན་གཉིས་གྲོས་ཚོགས་སུ་ཞུགས། མཚོ་སྔོན་ཞིང་ཆེན་ས་འགུལ་འགོག་པ་དང་གནོད་འཚེ་སེལ་བའི་མ་དངུལ་དང་དངོས་རྫས་ལ་ལྟ་རྟོག་ཞིབ་བཤེར་བྱེད་པའི་མགོ་ཁྲིད་ཚན་ཆུང་དང་གཞུང་སྒྲུབ་ཁང་གི་ཁོངས་མིའི་ལས་ཁུངས། ཡུས་ཧྲུའུ་ཁུལ་སྲིད་གཞུང་དང་མཚོ་སྔོན་ཞིང་ཆེན་གྱི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་གྲོས་ཚོགས་སུ་ཞུགས།གྲོས་ཚོགས་ནས་མཚོ་སྔོན་ཞིང་ཆེན་ལྟ་ཞིབ་ཐིན་དང་དམངས་སྲིད་ཐིན། ནོར་སྲིད་ཐིན། རྩིས་བཤེར་ཐིན། མཚོ་སྔོན་ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་དང་། མཚོ་སྔོན་ཞིང་ཆེན་སྡོད་ཁང་མཁར་གྲོང་འཛུགས་སྐྲུན་ཐིན་དང་ཡུས་ཧྲུའུ་ཁུལ་སྲིད་གཞུང་བཅས་ཀྱིས་ས་འགུལ་འགོག་པ་དང་གནོད་འཚེ་སེལ་བའི་མ་དངུལ་དང་དངོས་རྫས་ལྟ་རྟོག་ཞིབ་བཤེར་ཚན་ཆུང་གི་བྱ་བའི་གནས་ཚུལ་ཡར་ཞུར་ཉན།
 རིན་ཆིན་རྒྱལ་གྱིས་བསྟན་དོན།ཡུས་ཧྲུའུ་ལ་ས་འགུལ་དྲག་པོ་བརྒྱུགས་རྗེས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་ལྟ་ཞིབ་པུའུ་ཡི་སྤྱིའི་བཀོད་སྒྲིག་ལྟར། མཚོ་སྔོན་ཞིང་ཆེན་ཏང་ཨུ་དང་སྲིད་གཞུང་གི་ཡང་དག་པའི་མགོ་ཁྲིད་དང་ས་འགུལ་གནོད་འཚེའི་རྗེས་ཀྱི་བསྐྱར་འཛུགས་ཡུལ་དངོས་བཀོད་འདོམས་པུའུ་ཡི་རྒྱབ་སྐྱོར་ཆེན་པོའི་འོག  ས་འགུལ་འགོག་པ་དང་གནོད་འཚེ་སེལ་བའི་མ་དངུལ་དང་དངོས་རྫས་ལ་ལྟ་རྟོག་ཞིབ་བཤེར་བྱེད་པའི་བྱ་བས་ཐོག་མཐའ་བར་གསུམ་དུ་གནད་ས་འབུར་དུ་ཐོན་པ་དང་།དོན་དངོས་དང་ཟུང་དུ་འབྲེལ་བ། ཕན་ནུས་དངོས་ལ་དོ་སྣང་བྱེད་པ་བཅས་ཀྱི་རྩ་དོན་རྒྱུན་འཁྱོངས་ཟེར།   རིན་ཆིན་རྒྱལ་གྱིས་བཤད་རྒྱུར།ཡུས་ཧྲུའུ་གནོད་འཚེའི་རྗེས་ཀྱི་བསྐྱར་འཛུགས་བྱ་བར་འགལ་བ་དང་དཀའ་ཁག གནད་དོན་བཅས་མང་པོ་ཡོད་པས་ཡུས་ཧྲུའུ་གནོད་འཚེའི་རྗེས་ཀྱི་བསྐྱར་འཛུགས་བྱ་བར་ཞུགས་པའི་འབྲེལ་ཡོད་སྡེ་ཁག་སོ་སོ་དང་། རོགས་སྐྲུན་ལས་ཁུངས་ཀྱི་འབྲེལ་ཡོད་སྡེ་ཁག་དང་རིམ་པ་སོ་སོའི་ལས་བྱེད་པར་ངེས་པར་དུ་དངོས་ཐོག་བདེན་འཚོལ་གྱི་བསམ་བློའི་སྤྱོད་སྟངས་དང་དངོས་གཉེར་བདེན་འཚོལ་གྱི་བྱ་བའི་སྤྱོད་སྟངས་ཞིག་ཆགས་པར་བྱེད་དགོས་ཟེར།