རྩྭ་ཐང་འཇག་སྐྱས་ཁེངས་ཤིང་གྲང་རླུང་འུར་འུར་དུ་ལྡང་།  ས་ཡོམ་རིམ་པ7.1གིས་གནོད་སྐྱོན་ཚབས་ཆེན་བཏང་པའི་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་དུ་གནོད་སྐྱོན་ཐེབས་རྗེས་ཀྱི་དགུན་ཁ་དང་པོ་སླེབས།   རོགས་སྐྱོར་ལས་ཁུངས་ཁག་གིས་འབད་འབུངས་ལྷོད་མེད་བྱས་པར་བརྟེན་མིག་སྔར་མང་ཚོགས་ཁག་གཅིག་སྡོད་ཁང་གསར་པའི་ནང་དུ་སྤོས་ཟིན་པ་དང་།   སྤོ་མེད་པའི་མང་ཚོགས་རྣམས་ཀྱིས་ཀྱང་སྲིད་གཞུང་གིས་སྤྲད་པའི་རས་གུར་ལག་ཏུ་ལོན་ཡོད།   ཁོ་ཚོའི་ངོ་གདོང་དུ་དགའ་སྤྲོའི་འཛུམ་མདངས་མངོན་ཞིང་མེ་ཐབ་ཏུ་ལྕི་བ་སྐམ་པོ་བསྲེགས་པས་རས་གུར་གྱི་ནང་དུ་ཚ་དྲོད་ལམ་ལམ་ཁྱབ་ཀྱིན་འདུག   གོ་ཐོས་ལྟར་ན།   མཚོ་སྔོན་ཞིང་ཆེན་དམངས་སྲིད་པུའུ་ཡིས་ཟླ་བ9པའི་ཟླ་འགོ་ནས་བཟུང་སྟེ་གནོད་ཐེབས་ས་ཁུལ་དུ་དགུན་བརྒལ་གྱི་རས་གུར་དང་སྣ་མང་གི་འཚོ་བའི་དངོས་རྫས་གཏོང་སྤྲོད་བྱས་ཏེ་མིག་སྔའི་བར་དུ་སླེབས་ཚེ་ཡུལ་ཤུལ་གནོད་ཐེབས་ས་ཁུལ་དུ་ཁྱོན་བསྡོམས་སྨི་གྲུ་བཞི་མ20ཡོད་པའི་རས་གུར་ཁྲི455དང་འབྲུ་རིགས་ཏུན་དུང་ཕྱུར1.37ལྷག་སྟེར་ཚར་ཞིང་།
སྣ་མང་འཚོ་བའི་གསབ་དངུལ་སྒོར་མོ་དུང་ཕྱུར4.45སྤྲད་དང་སྤྲོད་བཞིན་ཡོད་པས་མཚོ་སྔོན་ཡུལ་ཤུལ་ས་འགུལ་གནོད་ཐེབས་ས་ཁུལ་གྱི་མང་ཚོགས་རྣམས་ཀྱིས་དྲོད་ཁོལ་ལྡན་པའི་དགུན་ཁ་ཞིག་བརྒལ་ཐུབ་པ་བྱུང་ངོ་།།