ཧྲེན་དབྱང་གིས་གསུང་བཤད་གནང་། ཧྥུང་ཧྥ་ཀུའེ་དང་ཧྲུའུ་ཏ་ཁྲུན། ལེ་ཅན་ཕིང་ཚོགས་འདུར་ཞུགས།

   སྤྱི་ཟླ7པའི་ཚེས1ཉིན། དཀར་མཛེས་ཁུལ་གྱི་ཀྲུང་གོ་གུང་ཁྲན་ཏང་བཙུགས་ནས་ལོ101འཁོར་བར་རྟེན་འབྲེལ་ཞུ་བའི་བཞུགས་མོལ་ཚོགས་འདུ་འདབ་པ་རྫོང་དུ་འཚོགས་པ་རེད། ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་སི་ཁྲོན་དུ་རྟོག་ཞིབ་གནང་སྐབས་ཀྱི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཤིང་། ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པའི་ཐབས་ཇུས་བཀོད་སྒྲིག་ཁྱོན་ཡོངས་ནས་དོན་འཁྱོལ་བྱས་ཏེ། ཁུལ་ཡོངས་ཀྱི་རྒྱ་ཆེ་བའི་ཏང་མི་ལས་བྱེད་པས་རྒྱང་སྐྱོད་ཀྱི་ལམ་བུ་གསར་པའི་ཐོག་ཕུགས་བསམ་དང་དད་སེམས་བརྟན་དུ་གཏོང་བ་དང་། གསར་བརྗེའི་ཁྲག་རྒྱུན་སྐྱོང་བ། དུས་བསྟུན་མདུན་སྐྱོད་དང་རྒྱུན་མཐུད་འབད་འཐབ་བཅས་བྱས་ནས་དུས་རབས་གསར་པའི་དཀར་མཛེས་ཁུལ་གྱི་དེང་རབས་ཅན་སྐྲུན་པའི་ལེའུ་གསར་པ་ཧུར་ཐག་བརྩམ་དགོས་པའི་སྐུལ་སློང་བྱས་པ་རེད།།