ཀྲུང་གོའི་བོད་ཀྱི་དྲ་བའི་འཕྲིན།  ཉེ་ཆར། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་འཇོལ་རྫོང་གིས་སྐབས་དང་པོའི་གྲོང་སྡེ་སྤྱི་ཁྱབ་ཀྲི་པུའུ་ཡི་ཧྲུའུ་ཅི་ཧྲང་ཧེ་རུ་གསོ་སྦྱོང་འཛིན་གྲྭ་བཙུགས་ཏེ། རྫོང་ཡོངས་ཤང་གྲོང་ཁག་གི་གྲོང་སྡེ་སྤྱི་ཁྱབ་ཀྲི་པུའུ་ཡི་ཧྲུའུ་ཅི41དང་གྲོང་གསེབ་གསར་པ་འཛུགས་སྐྲུན་བྱེད་པའི་འབྲེལ་ཡོད་སྡེ་ཁག་གི་ཁོངས་མི་གཙོ་བོ་ཁྱོན་བསྡོམས་མི45གསོ་སྦྱོང་དུ་ཞུགས་པ་རེད།འཇོལ་རྫོང་གིས་འདང་ངེས་ཀྱིས་ཧྲང་ཧེ་གྲོང་ཁྱེར་ཅ་ཏིང་ཆུས་ཀྱི་ཧྲང་ཧེས་ཡུན་ནན་ལ་རིགས་མཐུན་རོགས་སྐྱོར་མཉམ་ལས་བྱེད་པའི་གོ་སྐབས་ཡག་པོ་དམ་འཛིན་བྱས་ནས། ཧུར་ཐག་ངང་ཧྲང་ཧེ་གྲོང་ཁྱེར་ཅ་ཏིང་ཆུས་དང་མཉམ་དུ་གྲོས་བསྡུར་བྱས་ཤིང་གྲོང་སྡེའི་ཙུང་ཀྲི་ཧྲུའུ་ཅིའི་གསོ་སྦྱོང་འཛིན་གྲྭ་བཙུགས་པ།གསོ་སྦྱོང་འཛིན་གྲྭས་གསོ་སྦྱོང་སྔོན་གྱི་སྐུལ་སློང་དང་། གཅིག་བསྡུས་ཀྱིས་སློབ་སྦྱོང་བྱས་པ། ཡུལ་དངོས་སུ་ལྟ་སྐོར་བྱས་པ། ཚོ་ཆུང་བགོས་ནས་གྲོས་མོལ་བྱས་པ། བསམ་ཚུལ་འབྲི་བ་སོགས་ཀྱི་རྣམ་པ་སྤྱད་དེ། ཚོགས་ཆེན་བཅོ་བརྒྱད་པའི་དགོངས་དོན་གསལ་འགྲེལ་བྱེད་པ་དང་། དུས་སྐབས་གསར་པའི་འོག་གི་གཞི་རིམ་ཏང་ཀྲི་པུའུ་ལས་ཀར་བསམ་བློ་གཏོང་བ། གཞི་རིམ་ཏང་གི་འཛུགས་སྐྲུན་གྱི་བསམ་བློ་གསར་པ་དང་བྱ་ཐབས་གསར་པ། གྲོང་གསེབ་གསར་པའི་འཛུགས་སྐྲུན་དང་སྐྱེ་ཁམས་ཁོར་ཡུག་གི་སྲུང་སྐྱོང་སོགས་སློབ་སྦྱོང་ཆེད་དོན8ཡོད་པ་རེད། གསོ་སྦྱོང་གི་བར་སྐབས་སུ་སློབ་གཉེར་བ་རྣམས་ཀྱིས་ད་དུང་ཅང་སུའུ་ཞིང་ཆེན་ཧྭ་ཞི་གྲོང་དང་ཅ་ཏིང་ཆུས་ཧྭ་ཐིན་གྲོང་རྡལ་སོགས་གཞི་རིམ་ཏང་གི་འཛུགས་སྐྲུན་དཔེ་སྟོན་གྲོང་དུ་ལྟ་སྐོར་བྱས་པས། སྔོན་ཐོན་གྲོང་དང་གྲོང་རྡལ་གྱི་སྤྱི་ཚོགས་རིང་ལུགས་ཀྱི་གྲོང་གསེབ་གསར་པའི་འཛུགས་སྐྲུན་དང་། ཁྱད་ལྡན་ཞིང་ལས། ཞིང་ལས་ཐོན་ལས་ཅན། གྲོང་གསེབ་དཔལ་འབྱོར་དང་གྲོང་གསེབ་གཞི་རིམ་རྩ་འཛུགས་འཛུགས་སྐྲུན་གྱི་ཉམས་མྱོང་སོགས་སློབ་སྦྱོང་བྱས་པ་རེད།  །